ҚР Өнеркәсіп және құрылыс министрлігінде а.ж. 23 тамызында Кеншілер күнін атап өтті. Шараға көмір өнеркәсібі, мемлекеттік органдар мен қоғамдық ұйымдардың өкілдері қатысты. Өнеркәсіп және құрылыс вице-министрі Олжас Сапарбеков құттықтау сөз сөйледі, деп хабарлайды ҚР Өнеркәсіп және құрылыс министрлігінің баспасөз қызметі.
«Тау-кен өнеркәсібі елдің жалпы ішкі өнімінің 8,2%-ын құрайды. Жыл сайын елімізде 110 млн тоннадан астам көмір, 150 млн тоннаға жуық мыс кені, 40 млн тоннадан астам алтын кені және 4 млн тоннадан астам боксит өндіріледі. Көмір өнеркәсібі елдегі электр энергиясының шамамен 80%-ын өндіреді. Кеншілер жұмысы қауіпті, бірақ еліміздің табысты дамуы үшін өте маңызды және қажет», – деді вице-министр.
Іс-шараның маңызды сәттерінің бірі марапаттау рәсімі болды. Олжас Сапарбеков озат жұмысшылар мен сала ардагерлеріне марапаттар табыс етті. ІІ және ІІІ дәрежелі «Еңбек даңқы» ордендерімен 8 маман, «Ерен еңбегі үшін» медальдарымен 8 адам марапатталды.
Марапатталғандардың ішінде «Сарыарқа» шахтасының басшысы Владимир Иванов, ол өндірісте қол жеткізген тамаша жетістіктері үшін «Жылдың үздік шахтері» атағына ие болды. Жетекші қауіпсіздік инженері Айгүл Нұрмұхамбетова, аймақтың шахталарындағы қауіпсіздік стандарттарын арттыруға қосқан елеулі үлесі үшін алғыс хатпен марапатталды. Сондай-ақ, жабдықтарды жаңғырту жобаларын сәтті басқарған Ержан Сарсенбаев 20%-ға өндіріс көлемін ұлғайтуға мүмкіндік бергені үшін құрмет грамотасына ие болды.
Марапатталғандарға еңбегі мен адалдығы үшін құрмет грамоталары мен алғыс хаттар табыс етілді. Олардың үлгісі жоғары кәсіпқойлықтың және өз жұмысына деген адалдықтың символы болды.
ҚР Өнеркәсіп және құрылыс министрлігі барлық іс-шара қатысушыларына терең ризашылығын білдіріп, Кеншілер күні болашақта сала дамуына және еңбек қатынастарын нығайтуға ықпал ететін дәстүрге айналады деп үміттенеді.
