ҚОЛЖЕТІМДІ САПАЛЫ БІЛІМ

Білім саласында сапаны қамтамасыз ету департаменттің негізгі функцияларының бірі аттестаттау және мониторингтау. Барлық мектеп аттестаттаудан өтіп отыр, бірақ, нысаналы мектептер пайда болып, 40 білім алу ошағы қарамаққа алынған. Бұл білімнің сапасыздығы ма әлде ұлағатты ұстаздар нәтиже көрсете алмай отыр ма?

Жиынға қатысқан қала әкімінің орынбасары Сәрсен Құранбек ұстаз деген ұлы есімге ерекше тоқталып, еліміздің ертеңі болатын ұрпақ үшін мұғалімнің алар орны бөлек әрі биік екенін айтты. Сондай-ақ, қаланың 2023 жылғы бюджеті 658 млрд теңгені құраған, соның ішінде 238 млрд теңге білім саласына жұмсалды дей келе, бұл жолда сапаны арттыру басты назарда болуы керек деді.

Министрлікте 20 өңірлік жол картасы бекітіліп, кураторлар анықталған. Сонымен қатар, білім алушылардың мониторингі ұлттық бірыңғай тестілеу мен мемлекеттік аттестаттау кезеңі, кешенді тестілеу нәтижесі негізінде білім беру сапасының индексі жасалған. Бұл арқылы әр мектептің индексі түзіліп, республика бойынша 943 нысаналы мектеп анықталған. Бұл туралы оқу ағарту министрлігінің өкілі айтты.

Біз үшінші мегаполис емеспіз, үш мегаполистің біріміз, 30 мыңға жуық адам еңбек етіп келеміз деген білім басқармасының басшысы енді нәтиже көрсететін кез келді деді. Бұдан бұлай барлық салаға жаңашылдық ене отырып, басқармамен арнайы жобалық мекеме құрылып, сонымен қатар қала әкімінің орынбасары мен білім басқармасының басшысы тікелей ұстаздармен жұмыс жасайды.

2023-2024 жылы 2 мектеп аттестаттаудан өтпеген. Осы нәтиже бойынша педагогтердің білімі бойынша 6 мектеп, біліктілік арттыру жұмыстары бойынша 7 мектеп назарға алынған. Бұл туралы білім саласында сапаны қамтамасыз ету департаментінің басшысы айтты.