ТОҒЫЗҚҰМАЛАҚТАН ТОП ЖАРҒАНДАР

Дүниежүзілік көшпенділер ойындары аясында жас ұрпаққа ұлттық спортты дәріптеу, насихаттау, қаламызда тоғызқұмалақ ойынының бұқаралығын арттыру мақсатында тоғызқұмалақтан Шымкент қаласы чемпионаты өтті. Үшінші мегаполис пен облыс көлемінде болған жарыста Төлеби ауданынан келген қатысушылар оқ бойы оза шықты.
5-дүниежүзілік көшпенділер ойындарының аясында ұлттық спортты насихаттау мақсатында тоғызқұмалақтан Шымкент қаласының ұлттық және ат спорт түрлері бойынша кешенді спорт клубының жасөспірімдер арасындағы ашық біріншілігі өтті. Жарысты Шымкент қаласының ұлттық және ат спорт түрлері бойынша кешенді спорт клубының директоры құттықтау сөз сөйлеп ашып берді.
Тоғызқұмалақтың блиц түрінен өткізілген чемпионат 3 жас ерекшеліктеріне сай өтті. Жарысқа Шымкент қаласының үздік жасөспірім спортшылары мен Түркістан облысының Сарыағаш және Төлеби аудандарынан барлығы 54 спортшы бақ сынады. 9 жасқа дейінгі ұлдар және қыздар арасында Шымкенттік ойыншылар жүлдегер атанса, Сарыағаштық жасөспірімдер 11 жасқа дейінгі қатысушылар арасында оқ бойы озат шықты. Ал, 13 жас аралығындағы қатысушылар арасында Төлеби ауданы ойыншылары үздік атанды.