РУХАНИ КЕШ

Қала тұрғындарының демалысын тиімді ұйымдастыру мақсатында Шымкентте 27 шілдеден бастап «Шым қала кештері» атты оpen air форматтағы концерттік іс-шаралар өткізілуде. Жобаның мақсаты – мегаполис халқына ерекше мәдени демалыс пен көтеріңкі көңіл күй сыйлау.

Шымкент қаласының мәдениет, тілдерді дамыту және архивтер басқармасының ұйымдастыруымен ашық аспан астында өтіп жатқан концерттік кештер әр сенбі сайын жалғасын табуда. Бір мезгілде өткізілетін концерттер қаланың түрлі гүлзарлары мен саябақтарын қамтуда. «Шымсити» саябағында өткен концертте «Шымкент – Цирк» әртістері эстрадалық оркестрмен жанды дауыста ән шырқап, цирк қойылымдарымен балалар мен ересектерге ұмытылмас сәттер сыйлап, көрерменнің көңілін көтерді. Ұйымдастырушылардың айтуынша аталмыш концерт қала тұрғындары мен қонақтарына мәдени шаралар мен сапалы өнер көрсету арқылы жағымды эмоциялар мен рухани демалыс сыйлайды.
Халықтың бос уақытта демалуына жағдай жасап қана қоймай, рухани кеш өткізуіне мүмкіндік жасалды деген қала тұрғындары, концерттік бағдарлама мен әр сенбіде ұйымдастырылып жатқан іс-шараға дән ризамыз дейді. Айта кету керек, алдағы уақытта аталмыш іс-шара өз жалғасын таба бермек.