Өңір жастары да «Таза Қазақстан» экологиялық акиясынан қалыс қалмады. Игі шараны қолдауға студенттер, волонтерлер мен өз қаласын сүйетін жандар жиналды. Белсенді топ Бадан өзенінің маңын тазалап, абаттандырды.
Сенбілікке жиналғандар осындай шаралардың жастарға берері мол деген пікірде. Үшінші мегополистің жастары қоршаған ортаны қорғауға бағытталған бастамаға ерікті түрде қатысып жатыр.
«Таза өлке» науқаны басталғалы бері қалада 1500 көше және 33 мыңнан астам аяқжол тазаланып, 850 тонна қоқыс шығарылды. Сондай-ақ 140 мыңнан астам ағаш әктеліп, 138 мыңға жуық көшет отырғызылды. Бұдан бөлек 275 саябақ және сквер, 192 дана балалар және спорт алаңшалары тазаланды. Бұл іс-шараларға 279 техника және 15 мыңнан астам адам қатысты. Олар қаланың тазалығы ең негізгі басымдық екенін және әрбір тұрғын оны қолдауға белсенді қатысуы керек екенін атап өтті.
Айта кетейік, отырғызылған ағаштарды бақылау әрі күту толығымен білім беру мекемелеріне жүктеледі. Жыл бойы ол ағаштарға күтім жасалынады. Ағаштарды суғару, тыңайтқыш пен магистральдық шеңберлерді аэрациялаумен қамтамасыз етеді.
