Қаламызда ұлттық ұландықтардың отбасыларына арналған мерекелік шара өтті. Балаларды қорғау күні мерекесі қарсаңында ұйымдастырылған концерт қаламыздың зоологиялық саябағында өтті. Бұл жиын әскери қызметшілердің балалары үшін мереке ғана емес, сонымен қатар әскери отбасылардың аталмыш мерекені қолдайтындығы мен маңызды атап өтетіндігінің жарқын мысалы.
ҚР Ұлттық ұланының 6506 әскери бөлімі балаларды қорғау күні мерекесін биыл ерекше атап өтті. Іс-шараға 300-ден астам әскери қызметшілердің бүлдіршіндері қатысты. Кішкентай қонақтардың назарына аниматорлардың қатысуымен ойын бағдарламасы ұсынылып, арнайы конкурстар ұйымдастырылған. Сонымен қатар, мерекеде концерттік бағдарламамен 6506 әскери бөлімінің әскери оркестірі өнер көрсетті.
Балалар, сондай-ақ олардың ата-аналары әртүрлі ойын жарыстарына үлкен қуанышпен қатысты. Шара соңында байқауға белсенді қатысқаны үшін бүлдіршіндер сыйлықтармен марапатталды.
