Ұлы ерлік ешқашан ұмытылмайды. Татарстанда дүниеге келіп, жастық шағын жалынмен от құшағында өткізген батыр ана Шымкентте тұрады. Зұлмат соғыс жылдарында тылда еңбек етіп, Жеңіс күнін жақындатуға үлес қосқан Нина Мосунова радистер бөлімінің командирі болған. Соғыс жылындағы қасіретті кезеңді бастан кешкен жауынгер ана 1 ғасырдан астам өмір сүріп келеді. Оның сыры «Салауатты өмір салтын ұстанып келуімде», — дейді ардагер.
Ұрпағының келешегі үшін жан аямай соғысқа аттанған ардагерлердің бірі 100 жастан асқан Нина Мосунова. Майдангер 1943 жылы Можайск маңындағы соғысқа пулеметші болып қатысты. 36 әскери бөлімнің “Зенит” бригадасында қызмет етіп, онда радистер бөлімінің командирі болды. Бүгінде ғасыр жасаған батыр ана сол күндерді еске алса, жүрегі тебіреніп, көзі жасқа толып, бойын қорқыныш билегендей күйге бөленеді. Соғысты өз көзімен көрген жауынгер батырларымыз үшін ең басты байлық, бұл бейбіт өмір. Бүгінде соғыс ардагері Нина Егоровна 1 ұл тәрбиелеп өсіріп, одан 3 немере, 6 шөбере сүйіп отырған бақытты жандардың бірі.
Нина Мосунова 1924 жылы 9 наурызда Ресей Федерациясы Татарстан мемлекетінің Урустамак елді мекенінде туылған. 1942 жылы қазан айында өз еркімен алынып, Казань қаласында телеграфист мамандығын алып, Горький қаласына ауысты. 1945-46 жылдары кассир , 1948 жылы кітапханашы, болып жұмыс істеген. Сол жылдары Қазақстанға, Шымкент қаласына көшіп келіп, 1948-55 жылдары қалалық коммуналдық шаруашылық бөлімінде жұмыс істеді. 1967 жылы “КазЮгвзрывпром” басқармасында хатшы-машинистка болып орналасқан. Бар ғұмырын білім-ілімге арнаған батыр ана, әлі күнге дейін газет беттерін парақтап, жаңалықтарды оқып, салауатты өмір салтын ұстанып келеді. Оның жас көрінуінің себебі де осы болса керек.
