Шымкент қаласында 8 ЖОО мен 39 колледж бар. Бұл санға тағы бір оқу орны қосылды. Нақтырақ айтқанда бүгін Өзбекәлі Жәнібеков атындағы Оңтүстік Қазақстан педагогикалық университеті жанынан Жүсіпбек Аймауытұлы атындағы колледжі ашылды. Жаңа оқу жылынан бастап 150 студентті қабылдау жоспарланған екен. Алдағы уақытта жаңа корпустар салынып бұл сандар өсе береді дейді мамандар. Білім ордасының ашылу салтанатына Шымкент қаласы әкімінің орынбасары Сәрсен Құранбек, қалалық Білім басқармасының басшысы Нұргүл Шәмшиева, Өзбекәлі Жәнібеков атындағы Оңтүстік Қазақстан педагогикалық университетінің Басқарма төрағасы-Ректордың у.м.а. Гүлжан Дәулетбекқызы және білім басқармасына қарасты колледждердің бірінші басшылықтары қатысты.
Ж. Аймауытұлы Баяналуыл баурайында тусада 1926-29 жылдары өмірінің соңғы кезінде Шымкент қаласында орналасқан Педагогикалық техникумға келіп алдымен ұстаз, кейіннен басшы қызметін атқарған. Сол уақыттарда Бұл оқу орыны тек педагогикалық техникумның студенттеріне дәріс беріп қана қоймай, жақын орналасқан барлық ауыл аймақ өңірлердің жастарына ағартушылық нұрын сепкен. Бұған тікелей атсалысқан Ж.Аймауытов екені даусыз.
2023 жылы өткізілген Ғылыми кеңес мәжілісінің шешімі бойынша Өзбекәлі Жәнібеков атындағы Оңтүстік Қазақстан педагогикалық университеті жанындағы колледжге Жүсіпбек Аймауытұлы есімі берілген болатын.
Бүгінде колледжде 3 мамандыққа лицензия берілген. Атап айтқанда Бастауыш білім беру педагогикасы мен әдістемесі, Музыкалық білім беру, Көркем еңбек Алдағы уақытта мамандықтар қатары арта береді дейді колледж директоры Жанна Тұңғатарова.
Заманауи үлгіде, соңғы техникалық жабдақтармен жасалған аудиториялар жаңа оқу жылында студенттерді қабылдауға дайын.