Жұмыс істейтін жастарға жыл соңына дейін арендалық бағытта 888 пәтер беріледі. Биылдан бастап 35 жасқа дейінгі азаматтар жастар санатына еніп, баспанамен қамтылуда мемлекеттік қолдауға ие болған еді. Жастар саясаты жөнінде қабылданған заң бірнеше жаңа нормаларды қамтиды. Бұл туралы брифингте тұрғын үй басқармасының басшысы Жанат Өтебаева айтты.
Арендалық бағыттағы пәтер беру бағдарламасына қатысушыға 5 талап қойылады. Өтініш беруші 35 жасқа толмаған ҚР-ның азаматы болуы, ай сайынғы табысы 40 АЕК (айлық есептік көрсеткіш) тен кем емес болуы, Шымкент қаласында үш жылдан бері тұрғылықты мекен-жайының болуы, иеліктерінде соңғы 5 жылда ҚР аумағында тұрғын үй тіркелмеуі міндетті. Шымкентте соңғы төрт-бес жылдықтарда құрылыс қарқыны артып, баспанамен қамтуда республикада көш басында келе жатыр. 2023 жылы Шымкент қаласында әлеуметтік мемлекеттік бағдарлама аясында көпбалалы отбасыларға, жетім және ата-аналарының қамқорлығынсыз қалған балаларға, осал топтағылар мен бюджеттік ұйым қызметкерлеріне 324 арендалық пәтер беру жоспарланған.
Спикердің айтуынша, жыл басында кредиттік негізде 1886 пәтерді қамту жоспарланған. Қазіргі таңда 1249 азамат түрлі бағдарлама аясында ипотекалық негізде тұрғын үймен қамтамасыз етілген.
«Тұрғын үй субсидиясы – пәтер жалдап тұратын отбасыларға әлеуметтік көмек. 2022 жылдан бүгінгі таңға дейін 1 769 азаматқа тұрғын үй субсидиясы берілді. Азаматтардың субсидияны мақсатты пайдалануы үшін басқарма тарапынан жоспарлы және жоспардан тыс тексерулерге мониторинг жұмыстары жүруде. Мониторинг нәтижесі бойынша 256 азаматпен түзілген келісімшарттың күші жойылып, оларға тағайындалған субсидия тоқтатылған.
Жалпы 2023 жылға 200 млн. теңге қайтарымсыз негізде тұрғын үй сертифаттарын беру жоспарланып, 170 азаматқа 149,1 млн. тг. берілді. Ол көпбалалы, толық емес отбасылар мен мүгедек балалары бар немесе мүгедек балаларды тәрбиелеп жатқан жанұяға, сондай-ақ, мемлекеттік қызметкерлерге берілді. Өтінім қабылдау жалғасуда. Ал, жастарға арналған бағдарлама әщірге басталған жоқ.
