Қазақстан мен Өзбекстан арасындағы сауда байланысы 370 млн долларды құрап отыр. Жеңіл өнеркәсіпті дамытуда көрші елдің кәсібі дамып келеді. Шымкентте де аталған салаға қанат жайып келеді. Өнеркәсіпке серпін беру үшін өзбекстандық делегациямен кездесу өтті. Жиында екі елдің инвестициялық мүмкіндіктері, даму перспективалары қаралды.
Қос елдің бизнес өкілдерінің екіжақты кездесуінде талқыланған тақырып – өнеркәсіп саласын дамыту. Шаһардың әлеуетін жақсарту мақсатында, жеңіл өнеркәсіпті дамыту үшін 4 ірі өндіріс ошағы құрылды. Индустриалды аймақтар Түркия, Ресей, Қытай, Оңтүстік Корея, Өзбекстан елімен құны 500 млн АҚШ долларын құрайтын 286 жоба түзіпті. Қазіргі таңда олардың 243-і іске асқан. Бұл жөніде «SHYMKENT» ӘКК» АҚ басқарма төрағасының орынбасары Ерболат Сариев мәлімдеді.
Өзбекстандық делегациямен өткен басқасуға отандық кәсіпкерлер қатысты. Екі елдің өнеркәсіп саласындағы мүмкіндіктері мен жасалып жатқан жобаларын таныстырған кездесу жайлы олар да пікір білдірді. Отандық кілем өндірісін төрге шығарған «Бал Текстиль» ЖШС басшысы Талғат Ысқақов жеңіл өнеркәсіптің неге дамымай жатқандығы туралы пікір білдірді.
Өзбекстан Республикасы 80 мың тонна талшықты өздері өңдеуде. Ол жоғары қарқынмен дамып жатыр деген сөз. Кездесуден соң қос тарап мегаполистегі ірі өндіріс ошақтарын аралап, жұмыс барысымен танысады. Қазірдің өзінде былғары, тері, аяқ киім секілді жеңіл өнеркәсіптің бірнеше түрі бойынша қызығушылы танытып жатқан кәсіп иелері бар дейді ұйымдастырушылар.
