ДІНТАНУ ПӘНІНІҢ ҰСТАЗДАРЫ ТАПШЫ

 «Зайырлылық және дінтану негіздері» атты қосымша пәні мектеп сабақтарына енгізілгенімен оқытатын білікті мамандар тапшы. Бұл мәселені шешу үшін қалааралық семинар ұйымдастырылып, ұстаздардың дін саласындағы білімін жетілдіру көзделуде. 5 бөлімнен тұратын жиынның негізгі тақырыбы — «Псевдосалафизм және экстромизм-терроризм».
250 мұғалім қатысады деп жоспарланған семинарды Шымкент қаласы Дін істері басқармасының тапсырмасымен «Жалын» қоғамдық бірлестігі ұйымдастырды. Семинарға қатысқан теолог Файзулла Тайгелиевтың айтуынша «Дінтану» пәнінің мектеп сабақтарына қосылғаны өте қуанышты жаңалық. Себебі, балаға жас кезден дін туралы дұрыс ақпараттар сіңіру арқылы қоғамды өзге діни ағымдардан сақтай аламыз,- дейді. Бірақ, бүгінде кәсіби білімді мамандардың тапшы екенін де жасырмады. Сондықтан, бұл сабақ тарих пәнінің мұғалімдеріне қосымша факультатив ретінде жүктелген.
Семинар-тренингке Шымкент қалалық мәслихатының депутаты Талғат Балтабаев қатысты. Халық қалаулысы бұл семинар өзге жиналыстардан өте маңызды әрі мәнді болғанын айтты. Бұған дейін өткізілген мұндай шаралардың «саны бар сапасы жоқ болды» деп кесіп айтты. Ал, семинардың ерекшелігі — лекцияны білікті, дін саласында көп жылдық тәжірибесі бар мамандардың оқуында. Талғат Балтабаев дінтану пәнінен сабақ беретін мамандар тапшы деген пікірмен келіспейтінін жеткізді.
Алдағы уақытта ұстазбардың діни білімін одан әрі жетілдіру мақсатында мұндай семинарлар жиі өткізәліп тұрмақ.

Айғақ-ақпарат