«30 қазанға дейін қаладағы көпқабатты үйлерге түгелдей жылу беріледі». Бұл туралы бүгін қала әкімдігінде қала әкімінің орынбасары Бейсенбек Жанбосынов қысқы жылыту маусымының жұмыстары туралы БАҚ- на берген брифингте айтып өтті.
— «Қала әкімі Ғ.Әбдірахымовтың өкімімен 14 қазаннан бастап қаладағы бюджеттік ұйымдарға қуатты қазандықтардан жылу беріле бастады. Ендігі кезекте қаладағы тұрғын үйлерге жылу беру жұмыстары жүргізілуде. Осыған орай, Нұрсат, Спорт шағын ауданы, Қатын-көпір, Тұрлан елді мекендері және бірқатар ауруханаларда 18 қазаннан бастап жылу жүйесіне қосылады. Жуық арада қаламыздың басқа да аумақтары өз ретімен түгелдей жылумен қамтылатын болады» , -деді қала әкімінің орынбасары Б.Жанбосынов.
Қазіргі таңда қаланың «Оңтүстік» және «Солтүстік» бөлігіндегі магистралдық жылу жүйелері жөндеуден өтіп, бүгінгі дейін, қалада 1872 көпқабатты үй және 360 бюджеттік мекеме қысқы маусымға дайын.
Тарқатып айтар болсақ, жалпы, қалада Орталықтандырылған жылу жүйесіне 1872 көпқабатты тұрғын үй қосылған. Одан тыс 350- ден астам үй бөлек орналасқан жылу қазандықтарынан 18-20 қазан аралығында қосылатын болады.
Бүгін магистралдық желінің «Оңтүстік» бөлігі толық жөндеуден өтті. Ал, «Солтүстік» бөлігі аяқталу барысында. Осылайша, 1872 көпқабатты үй және 360 бюджеттік ұйымдар толық жылыту маусымына дайын.
Б.Жанбосынов «KazOilServis» ЖШС мәліметтері бойынша 6,5 км магистральдық желінің 6.2 км жөндеу жүргізілді. Қалған жұмыс ағымдағы жылдың 21 қазана дейін аяқталады. Сонымен қатар, парламентаралық желілерінің 37,5 км ағымдағы жылы ауыстырылды. Мұндай жұмыс бұрын жүргізілген жоқ екенін ескеріңіз. Біз алдағы жылыту маусымына ол оң іздерін қалдырады деген үміттеміз.
Шымкент қаласы әкімінің баспасөз қызметі
