Мемлекет басшысының Жарлығымен Ермек Беделбайұлы Көшербаев Қазақстан Республикасы Премьер-Министрінің орынбасары болып тағайындалды.
Ол осыған дейін Шығыс Қазақстан облысының әкімі лауазымын атқарған болатын.
Ермек Беделбайұлы 1965 жылы 2 мамырда Алматы қаласында дүниеге келген. Мемлекет және қоғам қайраткері. 2023 жылдың 16 маусымынан бастап Шығыс Қазақстан облысының әкімі.
1988 жылы Ұазақ ұлттық университетін тарих мамандығы бойынша, шет тілінде сабақ беретін тарих пәнінің мұғалімі, ал 1993 жылы сәуірде КСРО Сыртқы істер министрлігінің Дипломатиялық академиясы халықаралық қатынастар және сыртқы саясат мамандығы бойынша бітірген.
Еңбек жолын 1988 жылдың тамыз айында Қазақ КСР Сыртқы істер министрлігінде жасырын іс жүргізу жөніндегі аға инспектор болып бастады.
1988 жылдың қыркүйегінен 1989 жылдың қазанына дейін — Қазақ КСР Сыртқы істер министрінің көмекшісі болды.
1989 жылдың қарашасынан 1990 жылдың маусымына дейін — Қазақ КСР Сыртқы істер министрлігі Баспасөз және ақпарат басқармасының бірінші хатшысы болды.
1990 жылдың маусымынан 1991 жылдың қыркүйегіне дейін — Қазақ КСР Сыртқы істер министрлігі Консулдық бөлімнің бірінші хатшысы.
1993 жылдың мамырынан тамызына дейін — Қазақстан Республикасы Сыртқы істер министрлігі Азия елдері басқармасының бірінші хатшысы.
1993 жылдың тамызынан желтоқсанына дейін — Қазақстан Республикасы Сыртқы істер министрлігі Мемлекеттік хаттама басқармасының бірінші хатшысы.
1993 жылдың желтоқсанынан 1994 жылдың маусымына дейін — Қазақстан Республикасы Сыртқы істер министрлігі Мемлекеттік хаттама басқармасының бөлім меңгерушісі.
1994 жылдың маусымынан 1996 жылдың қаңтарына дейін — Қазақстан Республикасы Президенті Аппараты басқармасының халықаралық бөлімінің кеңесшісі.
1996 жылдың қаңтарынан сәуіріне дейін — ҚР Президентінің Хаттама қызметі басшысының міндетін атқарушысы.
1996 жылдың сәуірінен 1997 жылдың тамызына дейін — Берн қаласындағы Қазақстан Республикасының Швейцария Конфедерациясындағы Елшілігінің бірінші хатшысы.
1997 жылдың тамызынан қазанына дейін — көпжақты ынтымақтастық департаментінің Азиялық қауіпсіздік бөлімінің меңгерушісі, Алматы қ.
1997 жылдың қазанынан 1999 жылдың қарашасына дейін — ҚР Премьер-синистрінің көмекшісі.
2000 жылдың қаңтар-мамыр аралығында — «Нұрсұлтан Назарбаев Білім қоры» қоғамдық қоры директорының коммерциялық және жалпы мәселелер жөніндегі орынбасары.
2000 жылдың мамырынан қазанына дейін — «Нұрсұлтан Назарбаев Білім қоры» қоғамдық қоры директорының бірінші орынбасары.
2000 жылдың қазанынан 2001 жылдың қаңтарына дейін — «ҚазТрансОйл» Ұлттық мұнай тасымалдау компаниясы» жабық акционерлік қоғамының баспасөз қызметінің жетекшісі.
2001 жылдың қаңтарынан маусымына дейін — «ҚазТрансОйл» Ұлттық мұнай тасымалдау компаниясы» жабық акционерлік қоғамы президенті аппаратының жетекшісі.
2001 жылдың маусымынан 2002 жылдың наурызына дейін — «Мұнай және газ тасымалдау» ұлттық компаниясы» жабық акционерлік қоғамының аппарат басшысы.
2002 жылдың наурызынан 2003 жылдың желтоқсанына дейін «ҚазМұнайГаз» Ұлттық компаниясы» жабық акционерлік қоғамы бірінші вице-президентінің кеңесшісі және президент аппаратының жетекшісі болып жұмыс істеді.
2003 жылдың желтоқсанынан 2004 жылдың мамырына дейін — «Рауан Медиа Групп» акционерлік қоғамының бас директоры[1].
2004 жылдың мамырынан тамызына дейін — «Отан» Республикалық саяси партиясы Орталық аппараты басшысының бірінші орынбасары.
2004 жылдың тамызынан 2005 жылдың сәуіріне дейін — «ҚазМұнайГаз» ұлттық компаниясы» акционерлік қоғамы президенті кеңсесінің меңгерушісі.
2005 жылдың сәуірінен 2006 жылдың мамырына дейін — «Атамекен» Қазақстан кәсіпкерлері мен жұмыс берушілерінің ұлттық одағы» заңды тұлғалар бірлестігі атқарушы директорының бірінші орынбасары.
2006 жылдың мамырынан 2007 жылдың ақпанына дейін — «Отан» республикалық саяси партиясы орталық аппаратының жетекшісі.
2007 жылдың ақпанынан шілдеге дейін — «Бүркіт» жауапкершілігі шектеулі серіктестігінің қаржылық-өндірістік тобының директоры, Астана қ.
2007 жылдың қарашасынан 2008 жылдың сәуіріне дейін — «KazEnergy» мұнай-газ және энергетикалық кешен ұйымдарының қазақстандық қауымдастығының атқарушы директоры, Астана қ.
2008 жылдың сәуірінен 2009 жылдың ақпанына дейін — «Rauan Media Group» АҚ бас продюсері, Астана қ.
2009 жылдың ақпанынан 2010 жылдың шілдесіне дейін — «Ертіс» әлеуметтік-кәсіпкерлік корпорациясы» Ұлттық компаниясы» акционерлік қоғамының басқарма төрағасы, Семей қ.
2010 жылдың шілдесінен қыркүйекке дейін — Шығыс Қазақстан облысы әкімі орынбасарының міндетін атқарушысы.
2010 жылдың қыркүйегінен 2012 жылдың қазанына дейін — ШҚОәкімінің орынбасары.
2012 жылдың қазанынан 2014 жылдың желтоқсанына дейін — Шығыс Қазақстан облысы әкімінің бірінші орынбасары.
2014 жылдың желтоқсанынан 2016 жылдың қазанына дейін — Қазақстан Республикасы Ауыл шаруашылығы вице-министрі.
2016 жылдың қазан – 2018 жылдың мамыр аралығында — ҚР Ауыл шаруашылығы министрлігінің жауапты хатшысы.
2018 жылдың мамырынан 2019 жылдың қаңтарына дейін — Қазақстан Республикасы Сыртқы істер министрлігінің жауапты хатшысы.
2019 жылдың қаңтарынан 2020 жылдың қаңтарына дейін — Қазақстан Республикасы Сыртқы істер министрінің орынбасары[2].
2020 жылдың 29 қаңтарынан 2023 жылдың 16 маусымына дейін — Қазақстан Республикасының Ресей Федерациясындағы Төтенше және Өкілетті Елшісі
2023 жылдың 16 маусымынан бастап — Шығыс Қазақстан облысы әкімдігінің басшысы.
