МАРГИНАЛДЫ ЖАСТАРҒА АРНАЛҒАН ТУРНИР

Үшінші мегаполисте Маргиналды жастарға қолдау көрсету мақсатында «Жаңа өмір» жобасы іске асып, футболдан турнир өтті. Жоба оқыту жəне консультативтік іс-шаралар кешені арқылы бас бостандығынан айыру орындарынан босатылған жастардың өмір сүру сапасын арттыруға бағытталған. «Жаңа өмір» жобасы аясында өткен турнирге жалпы 10 команда қатысты. Турнир салауатты өмір салтын насихаттау жəне жастар арасында спортқа қызығушылықты арттыру мақсатында өтті. «Қорған-М» ҚБ үйлестірушісінің айтуынша «футбол алаңындағы шытырман оқиғалар көбінесе достықты нығайтуға көмектеседі. Командалық спортта сəттілікке жету үшін сіз серіктестермен әңгімелесіп, ойын жоспарын ұйымдастырып орта қалыптастыру мүмкіндігі бар екен.

Жоба аясында бас бостандығынан айыру орындарынан босатылған жастар үшін əлеуметтік бейімделу, кəсіптік дағдыларды дамыту жəне кəсіпкерлік негіздері бойынша оқыту семинар-тренингтер жиі  өткізіледі. Футбол басталғаннан кейін қатысушылар барлық проблемалары мен қорқыныштарын ұмытып жақсы ойын көрсетуге тырысты. Жиынға шаһарымыздың бес ауданынан екі камандадан қатысты.  Есептік көрсеткішпен Қаратау ауданының футболшылары топ жарып, жеңіске жетті.

Футбол қатысушыларға жаңа жетістіктерге жетуге мүмкіндік берді. Ал, бұл психологиялық проблемаларына байланысты əлемді сұр түсте көретін кез келген адам үшін өте маңызды. Турнирде жеңімпаз және жүлдегер атанған командаларға қаржылай сыйлықтар мен арнайы дипломдар табысталды. Сонымен қоса, үздік ойыншылар да марапатқа ие болды.