Қазақстанда цифрландыру экономиканың әртүрлі секторларында қарқынды дамып келеді. Бұл үрдіс елдің бәсекеге қабілеттілігін арттырып қана қоймай, азаматтардың өмір сүру деңгейін көтеруге мүмкіндік береді. Цифрландыру басқармасының ұйымдастыруымен IT саласын дәріптеу мақсатында жастар арасында арнайы іс-шара өтті.
Цифрландыру драйверлері Қазақстанның экономикасын жаңа деңгейге көтеруге және қоғамның өмір сүру сапасын жақсартуға бағытталған. Әрбір драйвер цифрлық трансформацияның бір бөлігі ретінде қарастырылады және цифрландыру процесінің сәтті жүзеге асуына ықпал етеді. Shymkent Hub-тың мүмкіндіктерін таныстыру мақсатында цифрландыру басқармасы арнайы іс-шара өткізді. 17 тамызда бастау алған бұл шара еліміздегі IT саласын дамытуға бағытталған. Бүгінде жиынға алпауыт компаниялар келіп дәл осы салаға қызығушылық танытқан қала тұрғындарына өз мүмкіндіктерін таныстыруда. Жастардың IT саласына қызығуы соңғы жылдары Қазақстанда қарқынды түрде өсіп келеді. Бұл үрдіс жаңа технологиялардың дамуы, цифрлық трансформацияның қарқынды жүруі, және IT саласында табысты мансап құруға үлкен мүмкіндіктердің ашылуы сияқты факторлармен байланысты.
IT саласындағы көптеген мамандықтар қашықтан жұмыс істеуге мүмкіндік береді. Бұл жастарға әлемнің кез келген жерінен жұмыс істеуге жол ашып, еркіндік береді. Сонымен қатар, халықаралық нарыққа шығып, шетелдік компанияларда жұмыс істеуге, тәжірибе жинауға, жоғары жалақы алуға мүмкіндік бар.