Мемлекет басшысы: «Тазалық алдымен халқымыздың әдетіне, сосын қанға сіңген қасиетіне айналуы қажет. «Таза Қазақстан» шарасы жыл он екі ай бойы жалғасуға тиіс» — деген еді. Шымкентте дәстүрге айналған акциясы бүгін де өз жалғасын табуда. Кезекті акцияда Еңбекші ауданына қарасты 12 шағын ауданы қоқыстан, қураған жапырақтардан тазартылды.
Қаладағы 5 ауданда да тазалық жұмыстары атқарылды. Тазалық жұмысына 9 техника 200-ден астам адам жұмылдырылды. Бүгінде бұл шараға қала тұрғындары мен қоса түрлі мекеме қызметкерлері де атсалысуда. Мәселен, Еңбекші ауданы әкімі аппараты, «Еңбекші» ККМ, «Группа Интеко» Жауапкершілігі шектеулі серіктестігі. Нәтижесінде аудан көшелері қоқыстардан тазартылды.
Әр апта сайын өтілетін бұл шараға ат салысатындар саны азайған емес. Басты мақсат – қоршаған ортаны сақтап, экологиялық мәдениетті қалыптастыру. Қаланың тазалығын ұстанатын әрбір тұрғын бұл таза қала бағдарламасына қатыса алады.