ҚОҒАМДЫҚ КӨЛІК ЖҮРГІЗУШІЛЕРІНЕ ҚҰРМЕТ

Республика күнін қоғамдық көлік жүргізушілері де ерекше атап өтті. «Shymkent Bus» ЖШС ұйымдастырған ісшарада бірқатар жүргізушілер арнайы шипажайларға жолдама мен құттықтау грамоталарына ие болды. Қаламыздағы ең ірі автопарктердің бірі мереке қарсаңында халықтың қауіпсіздігіне жауапты қызметкерлерге арнайы жиын ұйымдастырды. Бұл кәсіптің маңыздылығы жоғары, себебі олар адамдардың уақытында жұмысқа, оқуға және басқа да жерлерге жетуіне ықпал етеді. Қоғамдық көлік жүргізушілеріне құрмет көрсету – олардың кәсібіне деген ықылас пен ризашылықтың көрінісі. Бұл тек олардың жұмысын бағалауға ғана емес, жалпы қоғамның мәдениеті мен тәртібін сақтауға да септігін тигізеді. Жүргізушілер күнделікті өмірде миллиондаған адамның жүру жолын қамтамасыз етіп, қиын да жауапты жұмысты атқарады. Көпшілік жолаушыларға уақытылы жету, қауіпсіздік және ыңғайлылық үшін қоғамдық көлік жүргізушілері көп күш жұмсайды, бұл олардың еңбегіне құрмет көрсетуге негіз болады. Осы мақсатты қолға алып, Shymkent Bus ұжымы да халыққа сапалы қызмет көрсетіп жүрген бірқатар азаматтарға демалыс орындарына жолдама сыйлады. Сондай-ақ, қызметкерлерді мерекемен құттықтай отырып, арнайы грамоталармен марапаттады. Дәл осы салада 20 жылдан астам уақыт қызмет етіп жүрген жүргізушілер мереке қарсаңында тосын сый болған марапаттарға қуаныштарын жеткізіп, басшылыққа өз алғыстарын білдірді. Мереке қарсаңында қоғамдық көлік жүргізушілеріне зор құрмет көрсетіліп, арнайы дастархан жайылды.