Республика күніне орай «Қарттарын қадірлеген ел ардақты» атты мерекелік шара өтті. Жергілікті әкімдіктің мәліметінше, іс-шара мақсаты – қариялардың ерен еңбегін дәріптеп, оларға деген ыстық ықылас пен ілтипат көрсету. Айтулы шарада өнер ұжымы қарттар үйінің тұрғындарына ерекше мереке сыйлады. Бишілер де мың бұрала би билеп, қарияларымыздың көңіл күйін көтерді.
Қазақ қара көз қариясын сыйлаған халық.Бір өкініштісі, жыл сайын осы сынды орталықта көнекөз қарияларымыздың көбейіп жатқаны қынжылтады. Айта кетейік, қазір №10 арнаулы әлеуметтік қызметтер көрсету орталығы 70 орынға арналған. Қазір мұнда 68 қызмет алушы бар. Оның 21-і әйел, 47-сі ер адам.
Кешті өткізуге Жастар ресурстық орталығы мұрындық болған. Олар осындай игілікті істер арқылы қариялардың өмір белсенділігін арттыруға күш салмақ. Осындай мекемелерге талай рет келіп жүрген жастар, әр кездесудің орны бөлек,-деп отыр. «Қарттарын қадірлеген ел ардақты». Осылай деген жастар бүгінгідей кешті жиі өткізіп тұруды қолға алған. Бұдан бөлек, шығармашылық кеш балалар үйлерінде де ұйымдастырылмақ.
