Айтыс — өмір шындығын, халықтың тұрмыс тіршілігін сөзбен суреттейтін өнер. “Жастар ресурстық орталығы” КММ-нің ұйымдастыруымен “Ел-жаңғыру жолында” атты жиын өтті. Жиынға Біржан Байтуов, Қажымұқан Абзалов, Нұрғали Анапия сынды айтуылы айтыскер ақындар қатысты. Ақын-ақиқаттың жаршысы Ал, ақын шығармашылығы мен танысу жас ұрпаққа шабыт бермек. Жастар жылы жүзді ақындардың ғибратты әңгімелерін тыңдап, ерекше әсер алды. 300 ге жуық студенттермен қоса Жас ұлан 6506 әскери бөлімшесінің сарбаздар жиналып ақындардың әңгімесін тыңдады. Рухани азық беретін бұндай шаралар жастардың патриоттық сезімін шыңдауға мүмкіндік береді. Басқосуда ел татулығы мен ата-бабамыздың қилы жолы айтылды. Біржан Байтуов жастарға “Оян, Қазақ” фильмін көруге кеңес берді.
Көрермен сырлы сұхбатқа толы кеште ақындардың өмірімен рухани әлемімен де танысты. Жиын соңында айтыскерлермен қатысушылар ашық сұхбат құрып, ұлттық өнеріміздің маңыздылығын айтты.
Айтысқа қызығушылық танытатын жастар аз емес. Домбыра ежелден қазақтың тарихын баяндаған музыкалық аспаптың бірі. Өнер десе ішкен асын жерге қоятын қазақ үшін айтыс өнері үлкен мәртебеге ие.
Қазақылықты күймен жырлайтын суырып салма ақындар жастарға үлгі.
Айтыс өнерінің маңызы ХХ ғасыр басынан бері айтылып келеді. Ел арасынан шыққан айтыс ақыны, ең алдымен, халықтың жағдайынан, қоғамның ахуалынан барынша хабардар болуы шарт. Елдің аңсар-мұратын насихаттаушы, әрі қоғамдық пікір қалыптастырушы айтыс ақындары әр кезде де ықпалды болған. Ұрпақтан ұрпаққа мұра болып жеткен ақын жырлары әр дәуірдің, қоғамның болмыс бедерін бүгінгі күнге жеткізіп отыр. Өздеріңізге таныс айтыс өнері халық арасында ерекше құрметке ие.Біз біліп білмейтін айтыстың түрлері өте көп мәселен,бәдік айтыс, жар-жар, жұмбақ айтыс, салт айтысы, қыз бен жігіт сияқты көптеген түрлері бар.
Жиынға белгілі айтыскер елдің алдында жүрген Біржан Байтуов қаламыздағы алғашқы дәстүрлі өнер мектебін ашқан, кішкентайынан білімді сөзге шебер болуға үйретеді.Жастайынан өнер сүйгіш дәстүрді тануға ықпал ететін бұл мектептің ерекшелігі Құрманғазы, Дина сынды жеке уйірмелері бар, 18 Түрлі өнерді қамтитын үйірме жастарды өнерге үйретуде. Белгілі Нұрғали Анапия, Қажымұқан Абзалов жыр шумақтарын арнап жастарға жылы лебіздерін білдірді. Айтысты дәріптеу оны қолдау сізбен біздің қолымызда.
