Бүгінгі таңда Шымкент қаласында жалпы егіс көлемінің 26,5 мың гектарына дақылдар егіліп, 86 мың тонна өнім жиналады. Сондай-ақ, ауыл шаруашылығы саласына инвестиция тарту бойынша биыл 14 жоба жүзеге асырылып, 104 жаңа жұмыс орны ашылады. Бұл туралы өңірлік коммуникациялар қызметі алаңында Шымкент қаласы ауыл шаруашылығы және ветеринария басқармасы басшысының міндетін атқарушы Талғат Мекамбаев мәлімдеді.
Ауыл шаруашылығы және ветеринария басқармасы басшысының міндетін атқарушы Талғат Мекембаев «Шымкент қаласында ауыл шаруашылығы және ветеринария саласында жарты жылдың қорытындысы бойынша атқарылған жұмыстарына есеп берді. Баспасөз брифингінде өткен жиында бірнеше мәселелерге тоқталды. Мәселен, 2024 жылы өнімділікті арттыру мақсатында егін шауашылығы саласын мемлекеттік қолдауға жергілікті бюджеттен 143,2 млн теңге қаржы қаралған.
Оның ішінде, Тыңайтқыштарға – 122 млн тг;
Тұқым шаруашылығына – 20 млн тг;
Пестицидтерге – 600,0 мың тг.
Жылыжай шаруашылығына – 767,8 млн тг.
Көктемгі егіс жұмыстарына 35,9 тн. жанар-жағармай бөлініп толығымен үйлестірілді, дейді Талғат Мекембаев.
Сондай-ақ, ауыл шаруашылығы саласына инвестиция тарту бойынша биыл 14 жоба жүзеге асырылып, 104 жаңа жұмыс орны ашылады.
Қала аумағындағы ветеринариялық санитариялық қауіпсіздікті қамтамасыз ету мақсатында, эпизоотиялық іс-шаралар жоспарына сәйкес, 14 түрлі жұқпалы ауруларға қарсы 596 мың бас ауыл шаруашылығы жануарларына профилактикалық екпе егу жұмыстары жүргізіліп, 29 түрлі жұқпалы ауруларға қарсы 114,0 мың — ірі қара мал, жылқы,уақ малдардан қан сынамалары алынып тексерілді. Сондай-ақ, кенелерге қарсы энзоотиялық іс-шаралар бойынша да біршама жұмыстар атқарылған.
Ауыл шаруашылығы саласындағы ең өзекті, күн тәртібінен түспейтін мәселенің бірі – шегірткеге қарсы күрес жүргізу. Жүрген жерін жайпап кететін бұл жәндік әсіресе оңтүстік өңірінде көптеп таралады. Шымкент қаласы ауыл шаруашылығы және ветеринария басқармасы басшысының міндетін атқарушы Талғат Мекембаев шегірткеге қарсы күрес жүргізіп, бірнеше жұмыстар атқарылғанына да тоқталып өтті.
