Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»МӘЖІЛІСМЕНДЕР ОБЛЫСТАҒЫ МАҢЫЗДЫ НЫСАНДАРДЫ АРАЛАДЫ
    Айғақ MEDIA

    МӘЖІЛІСМЕНДЕР ОБЛЫСТАҒЫ МАҢЫЗДЫ НЫСАНДАРДЫ АРАЛАДЫ

    Айғақ медиаАйғақ медиа09.07.202497 Views

    «Amanat» партиясы фракциясының мүшелері сайлауалды бағдарламасы аясында салынып жатқан Сауран ауданы, Ораңғай елді мекеніндегі мүмкіндігі шектеулі ересек тұрғындарға арналған орталық құрылысымен танысты. Сонымен қатар, партия қадағалауына алынған «Кентау Сервис» мемлекеттік коммуналдық кәсіпорнының №5 Жылуэнергоорталығы жөндеу жұмыстарының барысын бақылады.
    Тең мүмкіндіктер қоғамын қалыптастыру, инклюзивтік орта құру міндеті – әділдік қағидаттарына негізделген әлеуметтік реформалардың басты шарты. Мемлекет басшысы Қасым Жомарт Тоқаев ұлт саулығын қамтуды қоғамның орнықты дамуының негізгі көрсеткіші деп бағалады. «Amanat» партиясы Сайлауалды бағдарламасын Түркістан облысында іске асыру жөніндегі Жол картасының маңызды тармағы ретінде Сауран ауданы, Ораңғай елді мекеніндегі мүмкіндігі шектеулі ересек тұрғындарға арналған оңалту орталығының құрылысы енгізілген. Партиялық бақылауға алынып, құрылыс-монтаждау жұмыстары аяқталу сатысына келіп жеткен нысанның дайындығын көруге Қазақстан Республикасы Парламенті Мәжілісінің депутаттары, партиялық фракция өкілдері Қайрат Балабиев, Нұрсұлтан Байтілесов, Темір Қырықбаев, Ұласбек Сәдібеков арнайы келді. Жоба бойынша, орталықта бір мезетте 200 пациент қажетті ем процедураларын алып, оңалту шараларымен қамтылу жоспарланған. Айта кету керек, Түркістан қаласының іргесінде салынған бұл нысан тұрғындардың сапалы арнаулы әлеуметтік қызметтер алуына мүмкіндік жасап, олардың денсаулық ахуалын жақсартуға көмегін тигізу керек болатын. Сондай-ақ нысан құрылысына облыстық және республикалық бюджеттен 2,6 млрд теңге көлемінде қаражат бөлінген. Жоспарға сәйкес Орталық биыл қыркүйекте пайдалануға беріледі деп күтілуде.
    «Amanat» партиясы өзінің саяси тұғырнамасында әрбір азаматтың лайықты медициналық көмекпен және ыңғайлы әлеуметтік ортамен қамтылуын үйлестіру міндетін белгілеген. Бұл бағытта партияның 2023-2027 жылға дейінгі «Халықпен бірге» Сайлауалды бағдарламасында денсаулық сақтау, медицина және халықты әлеуметтік қолдау саласындағы нақтылы индикаторлар белгіленіп, олардың іске асырылуы партия өкілдерінің тұрақты назарына алынған. Мәжіліс депутаттары ғимарат дайындығын бағалау барысында, су процедураларымен ем жүргізуге қажетті бассейннің техникалық жағдайына сын-ескертпелерін айтты. Мұнда суды қалыпты температурада ұстау мәселесі назардан тыс қалғанын ескертіп, бассейннің табаны мен ернеулері керамикалық плиткалармен қапталу керектігіне көңіл бөлді.
    Партияның Сайлауалды бағдарлама аясында салынып жатқан оңалту орталығы 2019 жылы бітуі тиіс болатын. «Мүмкіндігі шектеулі жандарға арналған оңалту орталығы құрылысымен танысуға келдік»,- деген мәжіліс депутаты, бірқатар кемшіліктерді көріп, ескертпе жасайтынын, бассейні, спорт залы, моншасы дайын емес екендігін, аталған кемшіліктерді тез арада жоюға нұсқау беріліп, әзірге нысанның қабылданбайтынын, әрі орталық құрылысының созылып кеткенін айтты.
    Арнайы ғимараттың ашылуын асыға күтіп жүрген ерекше қажеттілігі бар азаматтардың қатары көп. Соның ішінде Сауран ауданы, Қарашық ауылы, Құмтиін елді мекенінің тұрғыны Жақсыкүл Истамкұлова денсаулық жағдайына байланысты екінші топтағы мүгедек боп танылған. Жылына кемі екі рет дәрігердің қабылдауында болып, оңалту шараларынан өтуге мәжбүр. Бірнеше перзентін дүниеге әкелген ғазиз ана, қажетті емін алу үшін Шымкентке қатынап жүргенін айтады. Енді ұзақ жол жүру қиындығы артта қалып, орталықтың ашылуын күтіп жүрміз дейді. Айта кету керек, бұрыңғы Оңтүстік Қазақстан облысына қарасты ерекше қажеттілігі бар азаматтарға арналған арнайы ғимараттар мен орталықтар Шымкент қаласының теңгеріміне өткізілгеннен кейін, жаңадан облыс орталығы болып бекітілген Түркістан қаласында арнайы әлеуметтік орталықтар салу мәселесі өзекті болып айқындалды. Туындаған мәселені шешуде Түркістан облысының бюджеті есебінен жалғызілікті қарияларға, мүгедектігі бар азаматтарға және ерекше күтімді қажет ететін балаларға арналған 7 арнайы әлеуметтік нысанның құрылысын жүргізу үшін жобалау-сметалық құжаттамалары әзірленді және мемлекеттік сараптамадан өткізілді. Ресми статистика бір ғана Түркістан қаласының өзінде ерекше күтімді қажет ететін азаматтардың саны 4 мың адамды құрайтынын айтады. Жаңадан салынған арнайы әлеуметтік орталық құрылысы аяқталып, ел игілігіне берілсе, осы санаттағы азаматтарға барынша қолдау көрсетіп, Түркістан қаласында заманауи инклюзивті орта қалыптасуына жәрдемін көрсетпек.
    «Amanat» партиясы қайта құрылымдау жұмыстарын ерекше бақылауында алған тағы бір нысан – «Кентау Сервис» мемлекеттік коммуналдық кәсіпорнының №5 Жылуэнергоорталығы. Мұнда мәжіліс депутаттары кәсіпорынның 2023-2024 жылдардағы жылу маусымына дайындығы барысындағы ағымдағы жөндеу жұмыстарының атқарылуын қадағалады. Сонымен қоса, облыс әкімі де құрылыс барысын тексеріп, мердігер мекеменің есебін тыңдап, тиісті тапсырмалар берген.
    Кентаудағы Жылуэнергоорталығында жыл басынан бері «ЭМ-Холдинг» ЖШС «Қазандықтарды реконструкциялау» жобасы бойынша құрылыс-монтаждау жұмыстарын жүргізуде. Бекітілген кестеге сәйкес №8, №11 қазандықтар бойынша жұмыстардың аяқталуы биылғы 30 тамызға, №9, №10 қазандықтар қыркүйектің екінші онкүндігіне, ал №7, №12 қазандықтардың құрылысын аяқтау 30 қарашаға жоспарланған. Сондай-ақ №5 және №6 қазандықтарда ағымдағы жөндеу жұмыстары жүргізілуде. Қазандықтарда жылу-механикалық бөлік бойынша №8, №11 қазандықтарда жұмыс 95% аяқталған.
    Қала тұрғындарын жылумен қамтуды кәсіпорынның 8 жылу қазандықтарын, подстанциясын, 21 шақырым – магистралды және 81 шақырым – ішкі орамдық жылу құбырларын қайта құру жұмыстарын екі кезеңде іске асыру көзделген. 6,6 шақырымға республикалық бюджеттен 4,4 млрд теңге бөлінді деген қала әкімі орталықтың беріктігі мен құламауына арнайы сараптам жүргіздік дейді.
    «Былтыр бірнеше қазандықтары істен шығып, Кентау халқын әбігерге салған Жылуэнергоорталығы әрдайым біздің бақылауда»,- деген Қайрат Балабиев тексеру барысында барлық қазандықтарды сапалы жөндеу жұмыстарынан өткізіліп, жұмыс қарқынын жоғары деп бағалады.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    МЕДИЦИНАЛЫҚ ҚЫЗМЕТТІҢ АШЫҚТЫҒЫ: ПАЦИЕНТТІҢ БАҚЫЛАУ МҮМКІНДІГІ АРТЫП КЕЛЕДІ

    17.11.2026

    ШЫМКЕНТТЕН ФРАНЦИЯҒА ЖОЛ АШЫЛАДЫ: ШЕНГЕН ВИЗАСЫН РӘСІМДЕУ ЕНДІ ЖЕҢІЛДЕЙДІ

    17.11.2026

    ӨНЕРКӘСІП ПЕН ЛОГИСТИКАҒА ЖАҢА СЕРПІН

    17.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.