Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»ӨНЕРКӘСІПТІ ӨРКЕНДЕТУ — ӨҢІРДІҢ ӘЛЕУЕТІН КӨТЕРЕДІ
    Айғақ MEDIA

    ӨНЕРКӘСІПТІ ӨРКЕНДЕТУ — ӨҢІРДІҢ ӘЛЕУЕТІН КӨТЕРЕДІ

    Айғақ медиаАйғақ медиа14.06.2024117 Views

    Түркістан облысына жұмыс сапарымен Қазақстан Республикасының Сауда және интеграция вице-министрі келді. Іссапар барысында Қайрат Төребаев облыс әкімінің орынбасарымен бірге түркі әлемінің рухани астанасындағы бірқатар өнеркәсіп орындарының жұмысымен танысып, кәсіпорын иелерімен тілдесті. Өңірдің инвестициялық климатын жетілдіру жолдарын талқылап, бизнес өкілдерінің ұсыныстарын тыңдады.


    Тарихы тереңде жатқан Түркістанға арнайы іссапармен келген еліміздің сауда және интеграция вице-министрі, ең алдымен, облыс аумағындағы Өндірістік паркте болып, сонда орналасқан бірқатар кәсіпорындардың жұмысымен танысты. Түркістан облысы халқының негізгі табыс көзі ауыл шаруашылығы болғандықтан, көкөніс сақтайтын заманауи қойманың қажеттілігі зор. Өткен жылдың қазан айында Өндірістік парк аймағында негізі қаланған жобаның бастамашысы – «Түркістан» әлеуметтік-кәсіпкерлік корпорациясы. 1 гектар аумақта орналасқан қойма 3264 шаршы метрді құрайды. Сауран ауданындағы қойма маусымына 4000 тонна көкөніс сақтап отыр. Айта кетейік, мұнда 9 ірі камера болса, оның төртеуінде 500 тоннадан, жалпы 2000 тонна картоп сақталса, екі камерасында 500 тоннадан, 1000 тонна пияз бар. Сонымен бірге 250 тонна сәбіз, қырыққабат сақтайтын камералары да іске қосылады деп жоспарланған. Ал 500 тонна көкөніс құрғақ қоймада орналастырылады. Мұнда 35 адам жұмыспен қамтылған.

    Одан соң, Қайрат Төребаевқа еліміздегі тұңғыш су үнемдеу құрылғыларын шығаратын «BNK CROUP LTD» ЖШС жұмысы таныстырылды. Негізгі мақсат – жаңа технологияның көмегімен су үнемдей отырып, өнім көлемін арттыру. Биыл өңірде 22 мың гектарға су үнемдеу технологиясын қосымша ендіру жоспарланған.

    Кейіннен вице-министр «Ақниет holding» жиһаз шығаратын кәсіпорында болды. Мұнда 97 адам жұмыспен қамтылған. Компания жылына 34 мың жиһаз және 24 мың мектеп партасын жасап шығарады. Бұл жоба ішкі нарықтың сұранысын қанағаттандырып қана қоймай, Қазақстанның экспорттық әлеуетін кеңейтуге әсер етпек. Сонымен қатар, Қайрат Төребаев түйе сүтінен құрғақ ұнтақ шығаратын зауытта болды. Түркістан қаласының маңында орналасқан «Golden camel» зауытының өнімдері экспортқа негізделген. Өндіріс орны Қытай мен Германиядан жеткізілген заманауи құрылғылармен жабдықталған. Бүгінде компанияның жылдық өндірісі 480 тонна түйе сүті ұнтағын құрайды. Мұнда 70 аса адам тұрақты жұмыспен қамтылған.
    Осы күні Қайрат Төребаев өңірдің бизнес өкілдерімен еркін форматта кездесу өткізді. Жиынға облыс әкімінің орынбасары Нұралхан Көшеров модераторлық етті. Алдымен, Қайрат Төребаев Министрлік тарапынан салада атқарылып жатқан жұмыстар туралы баяндап, алдағы жоспарлармен бөлісті. Жергілікті кәсіпкерлер бизнес жүргізу үшін қалыптасқан жағдайды одан әрі жақсарту бойынша ұсыныстарын айтып, отандық кәсіпкерлерді қолдаудың жаңа механизмдерін енгізу мүмкіндіктерін қарастыру туралы өтініштерін айтты. Айта кетейік, басқосу барысында отандық өнімдердің экспортын ұлғайту, тұрғындардың табысын арттыру жайы талқыланды.

    Жиын соңында вице-министр көтерілген әрбір мәселе назарға алынып, тиісті жұмыстар жүргізілетінін айтты. Кәсіпкерлікті дамытуға Министрлік тарапынан қолдау көрсетіп, ұсыныстар бойынша бірлесе отырып  жұмыс істеуге дайын екенін жеткізді.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ПУМСЭ ТАЕКВОНДОСЫ РЕСМИ МӘРТЕБЕСІН АЛДЫ

    18.11.2026

    ҰЛТТЫҚ ВАЛЮТАҒА – 33 ЖЫЛ

    18.11.2026

    ЦИФРЛЫҚ ДӘУІРДЕГІ ЖАСТАРДЫҢ ӘЛЕУЕТІ

    18.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.