Шымкентте үшем дүниеге келді. 24 жастағы Айгүл Бақытжанқызы осылайша көп балалы ана атанды. Өмірге келген сәбилерге Мырзахмет, Нұрмаханбет, Дінмухаммед деген есімдер берген. Бір ай дәрігерлердің жіті қарауында болған ана мен бала отбасымен қауышты. Үшем ұлдар мерзімінен бұрын, яғни жүктіліктің 31-аптасында 15 сәуір күні қалалық перзентханада дүниеге келген. Олардың бірінің салмағы 1580 грамм болса, екіншісі − 1640, үшіншісінікі 1610 грам болып туылған. Дәрігерлер үшемдерді алдымен жансақтау бөлімінде тұрақты бақылауда ұстап, тиісті ем-шараларды жасап, кейін палатаға шығарып, күтіп-баптаған.
Едәуір салмақ жинап, жағдайлары жақсарған үшемдер мен олардың анасын бүгін Шымкенттегі перзентхана қызметкерлері салтанатты рәсіммен үйлеріне шығарып салды. Көп балалы ана атанған Айгүл Бақытжанқызы қалалық перзентхана дәрігерлеріне өз алғысын білдірді. Қуанышты жүздері жайнаған туған туыстар бала мен ананың амандығын көріп шат мәз мейрам. Шексіз қуанышқа кенелген әке үшемдерге есімдерді өзі шойған екен. Ұлдарға Мырзахмет, Нұрмаханбет, Дінмухаммед деген есімдер берген. Бұл – Шымкенттегі жыл басынан бері өмірге келген төртінші үшем.
Айта кетейік, жыл басынан бері қалада 10913 сәби дүниеге келген. Оның 5579-ы ұл болса, 5334-і қыз. Егіздердің саны 107-ге жетіп, төрт үшем өмірге келген. Ал қалалық перзентхана тарихында бұл екінші үшемлер екен. Соңғы рет 2017 жылы перзентханада үшем дүниеге келген.
Бетті дайындағын: Ақерке Құдайбергенқызы
