Шымкент қаласы әкімінің жанындағы әйелдер істері және отбасылық-демографиялық саясат жөніндегі комиссияның кезекті отырысы өтті. Күн тәртібінде «Отбасындағы зорлық-зомбылықсыз Қазақстан» жобасының іске асырылуы туралы мәселелер талқыланды. Жиынға, қала әкімінің орынбасары, комиссия төрағасы Сәрсен Құранбектің жетекшілігімен өткен мәжіліске басқарма басшылары және жергілікті үкіметтік емес ұйымдардың өкілдері қатысты.
Үшінші Мегаполисте 65 мың ана бар. Оның ішінде алтын алқа , күміс алқамен марапатталған аналар саны 13 мыңнан асық. 8-наурыз Халықаралық аналар мерекесінде 12174 көп балалы анаға 5 айлық есептік көрсеткіште әлеуметтік көмек көрсетілген. Қиын өмірлік жағдайға тап болған отбасыларға көмек көрсетудің ведомствоаралық өзара іс-қимылы, отбасылық зорлық-зомбылықтан зардап шеккен азаматтардың дағдарыс орталығындағы жағдайы, өзекті мәселелері бойынша -Жұмыспен қамту және әлеуметтік қорғау басқармасының басшысы Жанат Өмірсейтқызы баяндама жасады.
Бүгінде шаһарда 169 отбасы тұрғын үй көмегін алады. Бұл дегеніміз отбасы қоныстанған үйдің коммуналдық шығындарын өтеп беру. Бұл ретте отбасы шығыстарының нормативтерімен рұқсат етілетін шекті деңгейінен жиынтық табысының 5 % аспау керек. Шаһарымызда Тұрлыстық зорлық зомбылық құрбандарына көмек көрсететін номері 3 арнаулы мемлекеттік мекеме бар. Орталық 70 орынмен қамтылған. Сонымен қатар отбасын өолдау орталықтары да өз қызметін тиімді атқарып келеді. “Бақытты жанұя” орталығы осы бағытта жұмыс жасайды.
Жиында Ана мен бала денсаулығы, баласыз отбасыларды мемлекеттік қолдау тақырыптарда сөз қозғалды. Соңғы жылдары ана мен бала өлімінің деңгейі азайған. Бұл туралы Денсаулық сақтау басқармасы басшысының орынбасары Сәуле Сансызбайқызы баяндады.
2021 жылдан бастап елімізде «Аңсаған сәби» арнаулы бағдарламасы іске қосылды. 2020 жылы Мемлекет басшысы Қасым-Жомарт Тоқаев Қазақстан халқына Жолдауын жария еткен болатын.
Елімізде өкінішке орай әрбір алтыншы отбасы бала сүю бақытынан айырылған. Мамандар Әлеуметтік сауал алу барысында, қазақстандықтардың шамамен 20 пайызы «бұл ажырасуға үлкен себеп» санайтындығын көрсеткен. Осы негізде «Эко» бағдарламасымен квотаны 7 мыңға дейін, яғни, 7 есе көбейту тапсырмасы бірілген болатын.
Сонымен қаттар «Отбасындағы зорлық-зомбылықсыз Қазақстан» жобасының Шымкент қаласында іске асырылу барысы мен отбасылық және гендерлік саясатты іске асыруға бағытталған мемлекеттік әлеуметтік тапсырыстың жоспарлары туралы, Отбасындағы зорлық-зомбылыққа қарсы тұру, полиция жанындағы әйелдерді зорлық-зомбылықтан қорғау тобы инспекторларының жұмысы туралы, Әйелдер кәсіпкерлігін қолдау орталықтарының жұмысы және кәсіпкер әйелдерді қаржылық сауаттылығын арттыру бағытында қолдау шаралары туралы баяндамалар жасалды.
Бетті дайындаған: Ақерке Құдайбергенқызы
