Еңбекші ауданында 78 көше жөндеуден өтіп, 200 көше жарықтандырылады. Сондай-ақ, 2023 жылы 7 спорт алаңшасы тұрғындардың пайдалануына берілсе, ал 2024 жылға қарай 8 ашық спорт алаңшасын ашу жоспарлануда. Бұл туралы Еңбекші ауданының әкімі баспасөз брифингінде мәлімдеді. Сондай-ақ, аудан басшысы тікелей эфир арқылы тұрғындар тарапынан қойылған сұрақтарға жауап берді.
Баспасөз конференциясында Еңбекші ауданының әкімі 2024 жылдың 1-ші тоқсандағы әлеуметтік-экономикалық даму көрсеткіші жайлы атқарылған жұмыстар туралы баяндады. Аудан аумағындағы 29 шағынаудан мен тұрғын алаптардың халық шоғырланған негізгі бөлігі инженерлік жүйелермен қамтылған. Атап айтсақ:
— Ауыз сумен 97%
— Электр жарығымен 99%.
— Табиғи газбен 90%,
— Кәріз жүйесімен 41%,
— Асфальт жолмен 73%-ға қамтылған.
Сондай-ақ, жарықтандыру мәселесі бойынша қазіргі таңда аудан аумағында 117 көше жарықтандырылған. Жалпы, 2024 жылға 200 көшеге дейін жарықтандыру жоспарланбақ. Сондай-ақ аудан басшысы ирригация мәселесіне де арнайы тоқталып өтті.
Еңбекші ауданында 42 заман талабына сай балалар алаңшасы салынады. Сондай-ақ аудан аумағында спорт алаңшаларын ашуды жоспарлап отыр. 2024 жылы 5 орынға демалыс аймағын салу жоспарлануда. Брифингте “жайлы мектеп” құрылысы бастау алғанын баяндап, сондай-ақ, маятас тұрғын алабындағы бадам өзенінен өтетін аспалы көпірдің құрылысына тоқталды. Іргетасы 1988 жылы қаланған Қазығұрт мәдениет үйінің қала меншігіне өткенін де аудан басшысы баяндады.
Брифинг соңында Досбол Есілбек тікелей эфир арқылы тұрғындар тарапынан келген сұрақтарға жауап беріп, тиісті шаралар қолданылатынын айтты.
