8 сәуір күні басталған «Таза Қазақстан» республикалық экологиялық акциясы әлі де жалғасып келеді. Аталған науқанға Шымкент қаласының тұрғындары да ерекше қолдау білдіріп, жұмыстарды белсенді атқаруда. Соның бірі, Абай ауданы аумағында орналасқан “Агропром” гүлзарында тазалық жұмыстары өткізілді.
Іс-шара барысында қоғамдық орынның сыртқы қасбеттерін, қоқыс жәшіктерін бояу, шөптерді ору, ағаштардың түптерін әктеу және басқа да санитарлық тазалау жұмыстары жүргізілді. Бұл игі бастамаға аудан әкімшілігінің аппараты, ардагерлер, отбасы және әйелдер істері жөніндегі комиссиясының мүшелері, 50-ден астам аудан тұрғындары атсалысты.Осы орайда Абай ауданы әкімінің орынбасары Нұрлан Тілеш: – Аталған шара алдағы уақытта өз жалғасын табатын болады, — деді.
