Шалғай елді мекендер мен шағын аудандардағы интернет сапасын маниторингтеу нәтижесінде 50 аумақта интернет сапасының төмендігі анықталды. Бұл туралы Шымкент қаласы Цифрландыру басқармасының басшысы баспасөз брифингте айтты. Бұдан бөлек басқарма басшысы ағымдағы жылдың 1 тоқсанындағы атқарылған жұмыстар мен жоспарлары жайлы есеп берді.
Интернет сапасы төмен аумақтарда тест-драйв жүргізу барысында анықталған кемшіліктерді қалпына келтіру мақсатында мобилді операторлармен 14 аумақта мачталық құрылғы орнатылып оның 13 не базалық станция орнатылды. Ал, ағымдағы жылдың бірінші жарты жылдығына дейін қосымша 28 нүктеде мобильді интернет сапасы жоғарылайтын болады.
Қызметтер мен функцияларды автоматтандыруда 2023 жылдың қорытындысы бойынша Шымкент қаласы әкімдігінің құрылымдық бөлімшелері тарапынан барлығы 13 323 301 қызмет ұсынылған. Ағымдағы жылы басқарма тарапынан 1 қызмет автоматтандырылды.
Қала тұрғындары үшін «2Гис» қосымшасында жедел қызметтердің байланыс номерлері және орналасқан жері туралы ақпаратты көрсететін бөлім орналастырылды. Олар: емханалар, учаскелік полиция пункттері, өрт қауіпсіздігі саласы, коммуналдық қызметтер саласы. Және қоғамдық орындарды тегін wifi желісімен қамтамасыз ету және қала тұрғындарына жайлы ортаны қалыптастыру мақсатында 2023 жылы 20 қоғамдық орынға 53 wifi құрылғылары орнатылды.
Ал, Шымкент қаласының ситуациялық орталығына 2024 жылдан бастап 57 921 арыз-шағымдар мен кеңес тіркелген. Тұрғындар көбінесе жарықтың жиі сөнуі, қоғамдық көлік, қатты тұрмыстық қалдықтарды шығару, ветеринариялық қызмет мәселелері бойынша жүгінеді. Тұрғындар өтініші бойынша сапалы және сапасыз жауап беретін мекемелер сараланды.
Бұл сала бойынша 1 маусымда жаңа Телеграмм бот іске қосылады. Тұрғындар өтініштерін қалдыра алады. Толық ақпарат әлеуметтік желіге жарияланады. Сондай-ақ, арыз шағымдарды қалдыра алудың тағы бір тәсілі мобильді қосымша іске қосылады.
