Бесінші облыстық «WorldSkills Turkistan-2024» кәсіби шеберлік чемпионаты басталды. Осы орайда, Түркістан жоғары көпсалалы аграрлық колледжінде салтанатты ашылу рәсімі өтіп, колледж директоры қатысушыларға сәттілік тіледі. Жұмысшы мамандығының мәртебесін арттыру және дәріптеу мақсатында ұйымдастырылған шараға облыстың әр өңірінен 6 колледждің студенттері бақ сынасады. Сондай-ақ, ұйымдастырушылар “Өсімдік шаруашылығы” құзыреттілігі бойынша өзара мықтыларды анықтайтын болады.
WorldSkills — әлемнің 82 мемлекетіне таралған халықаралық қозғалыс. Өңіріміз аталған чемпионатқа 2015 жылдан бастап қатысып келеді. Облыстық чемпионат техникалық, құрылыс, ауыл шаруашылығы, туризм, қызмет көрсету, көлік, білім беру, денсаулық сақтау, тамақтандыруды ұйымдастыру секілді 33 сала бойынша өткізіледі. Ал, Түркістан жоғары көпсалалы аграрлық колледжінде Агрономия мамандығының Өсімдік шаруашылығы құзыреттілігі бойынша кәсіптік техникалық колледждері арасында білім алушыларға халықаралық деңгейде “Worldkills Turkistan-2024 облыстық чемпионаттың ашылу салтанатты іс-шарасы өтілді.
Өсімдік шаруашылығы құзыреті бойынша жарыс 2 күн ішінде шынайы уақыт форматында өткізіледі. Техникалық сипаттамаға сәйкес қатысушылар 4 модуль бойынша сынаққа түсетін болады.
Айта кетейік, былтыр облыстық чемпионаттың жеңімпаздары республикалық байқауға жолдама алып, 20 өңірдің ішінен 7 -ші орынды иеленіп, 2 алтын, 3 күміс, 5 қола медаль және 7 айрықша медальонға ие болды.