Шымкентте көктемгі маусымның кезекті 25 жас жауынгері ант қабылдады. Олар Қонаев қаласында «әуе десанттық шабуылдаушы» бригадасының қатарын толықтырады. Осыған орай жас сарбаздарды мерзімді әскери қызметке салтанатты түрде шығарып салу рәсімі өтті.
Елді қорғау, ерлердің ісі. Отан қорғаушылар Қонаев қаласы Райымбек батыр атындағы номері 38 әуе десанттық бригадасында борышын өтейді. Салтанатты жиынға қалалық қорғаныс істері жөніндегі департаментінің өкілдері мен ата-аналар қатысты. Үміткерлер арнайы психологиялық және медициналық тексерістен өткен, денсаулықтарында ешқандай кінәрат жоқ.
Қорғаныс істері жөніндегі департаментінің жастарды патриоттық рухта тәрбиелеу мақсатында жасалып жатқан шаралары нәтижесінде әскерге қызығушы жастардың қатары едәуір артқан. Сарбаздарды сапарға шығарып салуға жиналған туыстары мен ата-аналары ақ баталарын берді. Отан алдында қызмет етуді борыш деп білгенімен, қимастық сезім де жоқ емес.
Айта кетейік, борышын өтеп келген сарбаздар үшін едәуір жеңілдіктер қарастырылған. Жас сарбаздар жоғарғы оқу орнында тегін білім алумен қатар несиелері бар азаматтардың өтеу уақытын кейінге шегеру жағдайлары да қарастырылған
