🔰Мәулен Әшімбаев Түркістан облысына жұмыс сапары барысында облыстың барлық деңгейдегі мәслихат депутаттарымен кездесті.
Сенат төрағасы халық қалаулыларымен Президент тапсырмасын іске асыру жайын талқылады. Рухани астананың ұлттық құндылықтарды ұлықтауда маңызы айрықша екенін атап өтті.
🔰Сенат Спикері Палата мен мәслихаттардың алдағы бірлескен жұмысының басым бағыттарын да атап өтті. Іс-шара барысында депутаттар мәслихаттардың 30 жылдығына арналған халықаралық ғылыми-тәжірибелік конференцияны ұйымдастыру мәселелерін де талқылады.
🔰Ал, өңір басшысы Дархан Сатыбалды Сенат төрағасын өңірдің әлеуметтік-экономикалық дамуының негізгі бағыттарымен таныстырды.
⚜️Жиын барысында облыс депутаттары Палата спикеріне өңірдің экономикасы, әлеуметтік ахуалы, инженерлік-инфрақұрылымы, руханиятына қатысты мәселесін, ұсыныстарын жеткізді.
1. Дулат Әбіш Ордабасы тауының жотасында қазақтың үш биінің ескерткіші жетімсіреп, құрылысы бел ортасынан бітпей тұрғанын айтты. Сондай-ақ, ауыл шаруашылығы үшін өзекті — “Бөген” су қоймасына күрделі жөндеу жұмысын жүргізу, аумағын үлкейту бойынша ұсыныс білдірді.
2. Жаңабай Ағабеков күнгейден теріскейге қоныс аударушы азаматтарға жасалатын жағдайды күшейту керектігін айтты (баспана, жұмыс, жалақы).
3. Талғат Садуов Кентау қаласын экологиялық аймаққа ендіруді;
4. Ғалымжан Елшібай ауыз су мәселесін;
5. Талғат Қаржауов ауыл шаруашылығы мақсатында жалға беріліп, пайдаға жарамай тұрған жерлердің жайын қозғады.
Айтылған ұсыныс, талап-тілекке қатысты Сенат төрағасы жауап беріп, көтерілген мәселелер облыс әкімдігінің, Парламенттің назарында болатынын жеткізді.
