Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ media
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»ЭКОТУРИСТІК ФЕСТИВАЛЬ ӨТТІ
    Айғақ MEDIA

    ЭКОТУРИСТІК ФЕСТИВАЛЬ ӨТТІ

    Айғақ медиаАйғақ медиа24.07.2023244 Views

    Түркістан облысының әкімі Дархан Сатыбалды туристік әлеуетті арттыру бойынша нақты тапсырмалар жүктеген болатын. Түркістан облысы әкімдігінің қолдауымен, облыстық мәдениет және туризм басқармасына қарасты «Open Turkistan» туристік ақпараттық орталығы және «Miras Legion» туристік-спорттық фирмасының ұйымдастыруымен Сайрам-Өгем мемлекеттік ұлттық табиғи паркінде «Түркістан таулары» белсенді экотуристік фестивалі өтті. Осыған орай аталған іс-шара 3 бағытта жүргізіліп отыр: тарихи-танымдық, емдік-сауықтыру және экологиялық туризм кластері. Өңірдің таулы аймақта орналасуы туризмнің әлеуетін арттыруға екпін береді. Соңғы жылдары азаматтардың табиғат аясында саяхаттауға қызығушылықтары арта түскен. Өткен жыл бойында өңірдегі тауларға 75 мың адам саяхаттаса, биылғы алты айдың өзінде олардың саны 80 мыңға жетіп отыр. Жыл соңына дейін 100 мыңнан асады деген болжам бар. Фестивальдің ашылу рәсіміне Түркістан облысы әкімінің орынбасары Бейсен Тәжібаев қатысып, фестивальдің маңыздылығына тоқталды.
    — Түркістан облысы туристік әлеуетке басымдық беретін бірден-бір өңір. Өңірге былтыр 470 мың, ал биыл 6 айда 123 мың турист келген. Облыс аумағында 4 ерекше қорғалатыр табиғи нысан орналасқан. Олар: «Ақсу-Жабағылы» және «Қаратау» қорықтары, сондай-ақ «Сайрам-Өгем» ұлттық табиғи паркі және «Сырдария-Түркістан» өңірлік табиғи паркі. Экологиялық туризмді дамыту мақсатында инфрақұрылымдарды жаңарту, жөндеу және саяхатшыларға арналған қонақжайлар салу үшін қажетті жерлерді бөлу жұмыстарын белсенді түрде жүргізудеміз. Бұл өз кезегінде экотуристерді еселеп арттырады. Жуырда туризм саласының өкілдерімен кездесіп, ұсыныс-пікірлерін тыңдадық. Онда көтерілген мәселелер сарапталды. Осылайша, өңірдің туризм саласын жан-жақты дамыту міндетін бірлесіп орындаймыз, — деді Бейсен Дәулетұлы.

    Тау фестивалін өткізудегі мақсат – ерекше қорғалатын аумақтар мен Түркістан облысының тауларында белсенді экотуризмді дамыту, өңірдің табиғатын насихаттау, экологиялық сауаттылық пен саяхаттау мәдениетін көтеру, адамдарды қауіпсіздік ережелерін сақтауға және қоршаған ортаны қорғауға шақырып, жаңа орта қалыптастыру. Фестиваль аясында облыстың құрылғанына 5 жыл толуына орай альпинистер таудың шыңын бағындырып, тақтайша орнатты. Бұл бастама Түркістан жұртшылығы үшін ерекше оқиға болғаны сөзсіз.

    Фестивальға облыстық ТЖД Төтенше жағдайларды жою басқармасының бастығы, азаматтық қорғау полковнигі Талғат Досалиев, Сайрам-Өгем мемлекеттік ұлттық табиғи паркі, экологиялық ағарту және туризм бөлімінің бастығы Қалжігіт Қалыбаев тау туризмінің негіздері және қауіпсіздік ережелері туралы, ал алғашқы медициналық көмек көрсету бойынша «Қызыл ай» қоғамының өкілдері шеберлік сыныптарын жүргізді.

    Фестивальге қатысуға жалпы 2000-нан астам өтінім келіп түскен. Ауқымды шараға бас аяғы 200-дей адам қатысты. Алдын ала жарияланған хабарландыруда көрсетілген шарттарды толық орындаған үміткерлер арнайы бағдарлама арқылы іріктеліп алынған. Басым бөлігі Түркістан облысынан және Шымкент қаласынан болғанымен, еліміздің өзге де аймақтарынан белсенділік жоғары болды. Жас ерекшелігі: 18-60 аралығы.
    Екі күнге жалғасқан бағдарламаның бірінші күнінде қатысушылар «Тимбилдинг», «Шатырды құру» , «Таланттар шоуы» секілді командалық және шығармашылық ойындар мен сайыстарда бақ сынаса, гір көтеру, волейбол, бадминтон, фрисби спорттық жарыстарда бәсекеге түсті. Жылдамдығы және шапшаңдығымен үздік атанғандар Түркістан облысы әкімдігінің алғыс хаты және жүлделерімен марапаталды.

    Кешкі бағдарламада жастар арасында танымал ойындар ойнатылды. Әрі қарай гитарамен ән айту, би кеші және ашық аспан астында кино көру жалғасын тапты. Екінші күні «Буревестник» алаңына жаяу экскурсиясы жүргізіліп, жастар тауға көтерілді. Қатысушылар арасында суретке түсіру және мобилография бойынша сайыс ұйымдастырылды. Оның нәтижесі 28 шілде анықталып, жеңімпаздар Түркістан қаласында арнайы сыйлықтармен марапатталады. Ұйымдастырушылардың айтуынша, тау-тасы және өзен-көлімен талайды тамсандырған, Түркістан өңірінің табиғатын насихаттайтын мұндай фестивальдер жалғасын табады.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ПУМСЭ ТАЕКВОНДОСЫ РЕСМИ МӘРТЕБЕСІН АЛДЫ

    18.11.2026

    ҰЛТТЫҚ ВАЛЮТАҒА – 33 ЖЫЛ

    18.11.2026

    ЦИФРЛЫҚ ДӘУІРДЕГІ ЖАСТАРДЫҢ ӘЛЕУЕТІ

    18.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.