ҚҰҚЫҚТЫҚ ҚЫЗМЕТТЕР ЦИФРЛАНУДА

Президент тапсырмасы бойынша мегаполис халқымен кездесу өткізген Әділет вице-министрі Бекболат Серікұлы 2023 жылдың 1-тоқсанында атқарылған жұмыстарды баяндады. Жалпы минситрлік бүгінде «Цифрлық Әділетке» басымдылық беріп, қағазбастылық пен кезек күту мәселелерін жеңілдетуде. Нақтырақ айтсақ, бүгінде үйден шықпай-ақ 32 мемлекеттік қызметті мобильді қосымша «Egov mobail» және банктердің қосымшаларында жүзеге асыруға болады. Одан бөлек, «Цифрлық нотариат», «Е-заң көмек», «Онлайн дауыс беру» секілді цифрлық жобалар қолға алынып, халыққа ұсынуға жақын.

Баяндамадан кейін тұрғындар тарапынан вице-министрге сұрақтар қойылып, құқықтық мәселелер көтерілді. Басым бөлігі алимент, нотариус және адвокат қызметтеріне қатысты. Сонымен қатар цифрландырудың жұмыскерлерге кері әсері төңірегінде болды.
Халықпен кездесуден соң Бекболат Молдабеков БАҚ өкілдеріне пресс-конференция ұйымдастырды. Шымкенттік журналистер әйел құқығы, алимент, банк борышкерлерінің аресттен шығаруын автоматтандыру және алдағы жоспарлар жөнінде сауалдарын қойып, тиісті жауап алды.
Әділет министрлігі тарапынан алдағы уақытта осы форматтағы кездесулер өзге өңірлерде жалғасатын болады. Жыл соңына дейін еліміздің барлық облыс қалалырына іс-сапар ұйымдастыру жоспарлануда.

Айғақ-ақпарат