Отандық инвесторлар үшінші мегаполисте бас қосты. «Шымкент Инвест 2023» өңіраралық форумынды — шаһардағы инвестициялық тартымдылықты арттыру, экономикалық даму қарқынын күшейту, өзара ынтымақтастықты нығайту мәселелері талқыланды. 500-ге жуық жоғары дәрежелі қатысушылар мен кәсіпкерлер жиналған шарадан толығырақ әріптесім әңгімелейді. Форумға беделді саясаткерлер, әлемдік және отандық бизнес көшбасшылары, инвестициялық корпорациялардың, қаржы институттарының және халықаралық ұйымдардың басшыларын қоса алғанда, 500-ге жуық жоғары дәрежелі қатысушылар жиналған. Кәсіпкерлер Шымкенттің инвестициялық және іскерлік ахуалымен танысуға, мегаполисте жұмыс істейтін ірі қазақстандық және шетелдік инвесторлардың тәжірибесін, сондай-ақ бизнес үшін инвестициялық мүмкіндіктерді үйренуге мүмкіндік береді.
Мұнда келісімшарттық міндеттемелердегі шарттарды орындау туралы мәселелер айтылды. Сондай-ақ, үшінші мегаполистің инвестиция тарту көрсеткіші сараланып, кәсіркерлікті дамыту туралы ұсыныстар қаралды. Бұдан бөлек бизнес саласындағы дау-дамайларды медиация арқылы шешу жолдары кеңінен түсіндірілді. Форум алаңында еліміздің оңтүстік өңірлері- Түркістан, Қызылорда, Жамбыл облыстарынан, және шетелдік әлеуетті инвесторлар, отандық бизнес-қауымдастық өкілдері, орталық мемлекеттік органдар, ұлттық компаниялар, қаржы институттары қатысты. Сонымен қатар, Форум шеңберінде бірқатар инвестициялық жобаларды жүзеге асыру бойынша шетелдік және отандық компаниялар мен меморандумдар түзу жоспарланған.
