Шымкенттегі оңалту орталығы Өзбекстанмен меморандумға қол қойды. Қамқорлық бағдарламасы сал ауруына шалдыққан балаларды оңалту, инклюзивті қолдау кабинеті, материалдық техникалық жабдықтау жөніндегі әлеуметтік мәселені шешуді көздейді. Сондай-ақ, ерекше күтімге мұқтаж балаларға қарайтын мамандар бір-бірімен тәжірибе алмаспақ. Айрықша күтімге мұқтаж балаларға қолайлы орта қалыптастырып, медициналық көмек беру үшін, мамандандырылған сауықтыру орталығын салу керек. Осы мақсатта Өзбекстан Республикасы Республикалық мамандандырылған терапия оңалту ғылыми-тәжірибелік медициналық орталығының Медициналық туризм бөлімі, Шымкент қаласы Денсаулық сақтаубасқармасына қарасты , №1 оңалту орталығы мен ынтымақтастық туралы меморандумға қол қойды. Мұндағы мақсат екі ел арасында тәжірибе алмасып, достық қарым-қатынастықты нығайту болып отыр.
Қазір орталықта 100 ден астам бала ем алуда. Соның бірі Жұмагүл Оразымбетованың ұлы жарық дүниеге өздігінен қозғала алмай келген. Ұлының денсаулығына алаңдаған ана оңалту орталығына 5 жыл бұрын келген. Мұнда білікті дәрігерлер мен психологтар науқас балаға көмек қолын созуда. Қарым-қабілетті жетілдіретін ойын түрлері арқылы ем алған, Батырхан Убайдулла қазір өздігінен жүріп тұра алады. Өзбекстан Республикасы Шымкенттік медицина қызметкерлері мен белсенді түрде ынтымақтастық орнатуда. Көршілес ел өкілдерінің оңалту орталығына келуі — соның айқын дәлелі.Сапар аясында екі жақты меморандумға қол қойылды. 
