Үшінші мегаполисте емханалар мен ауруханалар заманауи медициналық құралдармен жабдықталмақ. Бұл туралы Шымкент қаласы денсаулық сақтау басқармасының басшы Абибуллаев баспасөз бринфингінде мәлімдеді. Сондай-ақ, жүрек ауруы бар науқастар ота жасату үшін бұрынғыдай басқа қалаларға бармайды. Жауаптылардың айтуынша, ем алушылар жүрек трансплантациясынан басқа отаның кез-келген түрін жасата алады.
Шымкент қаласында бастапқы санитариялық медициналық көмек көрсететін 45 ұйым бар. Оның ішінде 13-і мемлекеттік, 32-сі жеке меншік орталық. Денсаулық сақтау жүйесі – қоғамның әлеуметтік өмірінің ең маңызды саласы. Жыл сайын жеке меншік секторды қоса отырып қаржыландыру мен басқарудың жаңа әдістері енгізіліп жатыр, дәрігерлерді оқыту мен олардың біліктілігін арттыру бойынша жаңа кадр саясаты қалыптасып келеді. 2022 жылдың есепті кезеңінде орталықта 5501 адам емделді.
Жоғары технологиялық медициналық көмек саны 20 % — ға өсіп, 2022 жылы 191 күрделі ота жасалынған. Олар: Жүрек клапандарындағы реконструктивті операциялар, клапан аппараты мен, науқастарда сол жақ қарыншаның аневризмаларын кесу. Жергілікті өкілдіктердің шешімі бойынша тегін медициналық көмектің кепілдік берілген көлемін, оның ішінде дәрілік заттарды, мамандандырылған емдік өнімдерді, медициналық бұйымдарды қосымша ұсыну бойынша Шымкент қаласы азаматтарының жекелеген санаттарына амбулаториялық емдеу кезінде 175 адам 1 596 265 мың теңгеге дәрілік заттармен, медициналық бұйымдармен және мамандандырылған емдік өнімдермен қамтамасыз етілді.
