Өзіндік тарихы мен дәстүрі қалыптасқан жеке жоғарғы оқу орындарының бірі-Сырдария университеті. Аталған оқу ордасы жаңа оқу жылынан бастап «Жұмабек Ташенов» атауымен өз жұмысын үшінші мегаполисте жалғастырмақ. Жеке меншік оқу орны бакалавр дәрежесінде 31, магистратураның 5 бағыты бойынша 6 мамандыққа білім беруге құқылы. Студенттерге сапалы білім беруді мақсат еткен университетте өзге өңірден келген талапкерлерге 4 студенттік жатақхана қарастырылған.
Қазақ елінің бір туар тұлғасының атына ие болған жаңа университет заманауи техникалармен жабдықталған. Ұлы тұлғаның есімін иеленген оқу ордасының жаңа кампусын салу-стратегиялық бағыттардың біріне айналған. Сондай-ақ, жоғарғы оқу орнында гуманитарлық мамандықтармен қатар, түлектер сұранысына ие техникалық бағыттағы білімге басымдық беру көзделіп отыр.
Жаңа тынысы ашылған оқу орнының басты мақсаты — еңбек нарығында бәсекеге қабілетті маман даярлау. Осыған сәйкес, университет қабырғасында академиялық ұтқырлық пен дуальді оқыту жүйесі де қолға алынған.
