Кезектен тыс он сегізінші сессияны мәслихат хатшысы Бахадыр Нарымбетов ашып, күн тәртібінде Шымкент қаласында бесінші ауданды құру және аудандардың шекараларын белгілеу туралы мәселені талқылады. Сессия отырысында қаралған мәселе бірлескен тұрақты комиссия отырысында толыққанды зерделенген болатын. Сессияда Шымкент қаласында бесінші ауданды құру және аудандардың шекараларын белгілеу туралы шешімі бір ауыздан қабылданды. Ал қаламыздағы бесінші ауданға атау беру бойынша мәселе қолданыстағы заңдылықтарға сәйкес алдағы сессияда Республикалық ономастика комиссиясының қарауына ұсынылатын болады.
Жаңа аудан аумағы 36 мың га-ны құрайды. Халық саны 220 мың. Оған 16 елдімекен мен тұрғын алабы кіреді. Даңғылдар мен көшелер саны 533 болса, тұрғын үйлер саны 39 883. Ал әлеуметтік нысандар бойынша 25 мектеп, 18 балабақша, 6 колледж, 6 денсаулық мекемесі, 5 саябақ болады.
