Шымкент қаласының әр көшесінде жүріп, қарқынды құрылыс жұмыстарын көзіңіз шалады. Әсіресе, әкімшілік іскерлі орталығында және жаңа мөлтек аудандарда тұрғызылып жатқан ғимарат көп. Бұл дегеніміз экономикалық жағдайымыздың аздап бір қалыпқа түсіп, жақсарып жатқанын көрсетеді. Жуық арада үшінші мегаполистегі құрылыс басқармасының басшысы арнамызға сұхбат беріп, өзгерістермен бөліскен болатын.
Күрделі кезеңде экономиканы қалпына келтіретін екі сала бар. Оның бірі – құрылыс болса, екіншісі − өнеркәсіп. Соның біріншісі Құрылыс- елдің халық шаруашылығының ірі және кеңінен дамыған саласы. Соңғы кездері байқасаңыз Шымкентте салынып жатқан нысан көп. Бірін сапасыз деп сөксек, енді бірін созылып кетті деп тағы да сынға ілеміз. Бірақ осы мәселелерге Құрылыс басқармасының басшысы Әбілсейіт Рабаев өз жауабын айтты.
