Баршамызды бал тілімен баурайтын, бала деген бір бақыт қой самғайтын! 1 мамыр Халықаралық балаларды қорғау күні. Айтулы мереке қарсаңында Шымкент қаласындағы №2 Оңалту орталығында «Бар мейіріміміз балаларға» атты ерекше жандармен мерекелік шара өтті.
1 маусым Халықаралық балаларды қорғау күні!Айтулы мереке 1949 жылы Парижде Халықаралық демократиялық әйелдер федерациясының конгресімен бекітіліп, балалар күнін бірінші рет 1950 жылдың 1 маусымында атап өту жөнінде шешім қабылданған болатын. Бүгінде елімізде де атаулы дата дәстүрлі түрде тойланып келеді. Шымкент қаласындағы №2 Оңалту орталығы да ерекше жандармен бұл мерекені жоғары деңгейде атап өтті. 100 орынға шақталған мекемеде неврология, ортопедия, кардохирургиялық отадан кейінгі балаларды оңалтуға қабылдайды.
Барлық сәби бақытты болуға лайықты. Ерекше балалар бүгінгі шарада түрлі бағытта өз өнерлерін ортаға салып, көпшілікті тәнті етті. Бірі тамылжытып ән салса, енді бірі сурет салып, шеберлігімен көзге түсіп жатты. Күн сәулесін шашқан бейбіт күнді бейнелеген бүлдіршіндер шат-шадыман. Сонымен қатар, жас өрендер қазақ әдебиетінің жауһарларын орындап, жырдан шашу шашты.
