Түркістан облысының шалғай жатқан аудандарының бірі Жетісайда атқарылып жатқан жұмыстар аз емес. Арнайы ұйымдастырылған пресс-тур аясында БАҚ өкілдеріне аграрлы аймақтың бүгінгі тыныс- тіршілігі таныстырылды.
Журналистер аялдаған алғашқы шаруашылық Шаблан Ділдәбеков ауылдық округіне қарасты Жаңа Дала ауылындағы бақша дақылдарын егумен айналысатын «Рахман» шаруа қожалығының егістік алқабы болатын. Шауашылық иелігінде жалпы көлемі 7,5 гектар жер болса еңбекқор дихан Руслан Құдайқұлов соның 1,5 гектарына қырыққабат, 3 гектарға болгар бұрышы және қалған жеріне қарбыз егіп, тұрмысын түзеп отыр.
