Қазіргі таңда облыс аумағында су тасқыны жағдайы бір қалыпты, тұрақты бақылауда.
Су қоймалары мен өзендердің су өткізу денгейіне күнделікті мониторинг жүргізілуде. Бұл туралы Түркістан облыстық Төтенше жағдайлар департаментінің бастығы Нұрғали Жүнісов мәлім етті. 2020 жылғы 30 қазанда облыс аумағында 2020-2021 жылғы күзгі-көктемгі су тасқыны кезеңіндегі төтенше жағдайлардың алдын алу, тасқын суларды апатсыз және қауіпсіз өткізуді қамтамасыз ету іс-шаралар жоспары бекітілген.
Көктемгі болуы мүмкін су тасқынының алдын алу мақсатында облыстық төтенше жағдайлардың алдын алу және жою комиссиясының отырысы екі мәрте өткізіліп нақты тапсырмалар берілген.
Сонымен қатар, облыс аумағындағы су қоймалары мен гидротехникалық құрылыстардың техникалық жағдайы мен су режимі тұрақты түрде бақылауға алынған. Ал Сырдария өзені аумағында орналасқан аудан әкімдіктеріне қорғаныс дамбаларына қайта зерделеу жұмыстарын жүргізіп, қажет болған жағдайда қайта
алдын алу шараларын ұйымдастыру бойынша нақты тапсырмалар берілген.
«Су тасқыны қаупінің алдын алу және жою жөніндегі 2017-2020 жылдарға арналған іс-шаралар кешені» атты жол картасына 93 іс-шара енгізіліп, 90 шара толық жүзеге асырылған. Облыс аумағында су тасқыны жағдайы Сырдария өзенімен тікелей байланысты болғандықтан қатаң бақылауға алынған. Тасқын суларды қабылдауға жеткілікті қорлары бар, ал өзендердегі судың өтуі орта деңгейден төмен.
Бүгінгі таңда Сырдария өзенінің арнасында судың ағысы қалыпты, өзенінен бастау алатын каналдардың (Маяқұм, Есіркеп, Сумағар) бас тоспалары бекітілген және жағалаудағы елді мекендерге қауіп жоқ.
Ал, таудағы жиналған қар қоры нормадан төмен, аумақтың жазық жерлерінде қар жоқ. Аэровизуалды және жер үсті зерделеу жұмыстары ұйымдастырылып, жүргізіліп келеді. Облыс аумағында жалпы саны 40 су қойма орналасқан.
By Айғақ медиа
Қазіргі таңда облыс аумағында су тасқыны жағдайы бір қалыпты, тұрақты бақылауда.