Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»Тоқтар ӘУБӘКІРОВ. Менің Мағашым
    Айғақ MEDIA

    Тоқтар ӘУБӘКІРОВ. Менің Мағашым

    Айғақ медиаАйғақ медиа07.11.2019492 Views

    Өлім тұрмақ, қату сөзге қимайтын асыл бауыр, адал дос Мағауиядан айырылыппыз. Арқа жұртын аңыратып, Қарқаралысын қасіретке бөктіріп, бізден мәңгіге алыстады бауырым.

    …Мені жылына екі рет іздеп келуші еді. 12 сәуір – Ғарышкерлер күнінде, екіншісі – туған күнімде. Таудай тұлғасы алыстан көрініп, күркіреп келгенде, Қарқаралыдан елім көшіп келгендей шаттанушы едім. Енді мені кім іздеп келеді, Мағаш?

    Қазақ баспасөзінің қара нары шөкті. Ұлт руханияты тау шөккендей талмаусырап тұр. Қарқаралының қарағайындай бойшаң, Қазыбек бабасындай ойшыл нар тұлға өтті өмірден. Мынау жалған өмірдің алдамшы бояуынан жерініп кетті, білем. Ұлт ұпайын түгендеймін деп аласұрды. Қалам қажырын танытып, қазағын рухани тұрғыдан азықтандырды. Енді міне, сол қалам қаңтарылып, менің Мағашымның жауһар дүниесін аңсаған ормандай оқырманы аңтарылып тұр. Оның жаны жай тапты.

    Даладай кең пішілген тұлғасын, баладай аңғал болмысын, бабадай терең толғайтын ойлы дүниелерін сағынамыз енді. Маңғаз еді менің Мағашым! Марқасқа еді. Жайсаң еді. Жайдарлы еді. Өзін керемет жақсы көретінмін. Қарағандының қадірлісі, бүкіл Арқа жұртының ақылманы деуге тұрарлық тұлғаның тұғыры аласарды. Арқаның алқалы төрінен тағы бір орын босады. Амал нешік…

    Менің Мағашым менен мәңгіге алыстап барады. Мен із салып келген ғарышқа құмар еді. Жолыққан сайын ғарыш құпиялары, орбита тылсымдары туралы сұрайтын. Міне, бүгін өзі де ғарышқа көтерілді. Өзінің төрдегі орнын босатып, көктегі жұлдыздардың қатарын толықтырды. Оның жұлдызы тым биіктен жарқырайды. Өйткені, ол – менің Мағашым!

    Бақұл бол, бауырым!

    Тоқтар ӘУБӘКІРОВ,

    қазақтың тұңғыш ғарышкері,

    Кеңес Одағының Батыры,

    Халық Қаһарманы.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ДАҢҚТЫ БАПКЕРДІҢ ҚҰРМЕТІНЕ ХАЛЫҚАРАЛЫҚ ДОДА

    12.11.2026

    35 ЖЫЛДАН КЕЙІНГІ ФУТБОЛШЫЛАРДЫҢ БАСҚОСУЫ

    12.11.2026

    ЗАУЫТТЫҢ ЭКОЛОГИЯЛЫҚ АХУАЛЫ БАҚЫЛАУДА

    12.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.