Жамбыл облысының әкімі де республикалық сенбілікке атсалысты

Бүгін республикалық көгалдандыруға бағытталған сенбілікке жамбылдықтар да белсене атсалысты, деп хабарлайды Жамбыл облысы әкімінің баспасөз хатшысы Нұрадин Ракай өзінің фейсбук парақшасында.

Шараға облыс басшысы Асқар Мырзахметов бастаған барлық орынбасарлары, аудан әкімдері, басқарма басшылары, ардагарлер кеңесі және өзге де ұйымдар мен қоғамдық бірлестіктердің төрағалары мен өкілдері қатысты.
Облыс бойынша барлығы 18466 адам 18880 көшет отырғызды. Оның ішінде, қарағай, шырша, қарағаш, арша, терек, емен, шетен, айлант секілді ағаш түрлері бар. Сенбілік өңірдегі 98 елдімекенді қамтыды.
Айта кетейік, аймақ басшысы Асқар Мырзахметов тал егу акциясына облыстың шалғай ауданы-Мойынқұмнан қатысты. Онда мойынқұмдық жастар мен
қызметкерлермен бірге «Жаз Ата», «Жасыл ел» саябақтарына тал егіп, шараға қарқынды үлес қосты. Аталған акция аясында облыс әкімі Асқар
Мырзахметов және Мойынқұм ауданы әкімі Мәден Мұсаев туя, емен, терек
ағаштарын отырғызып, игі істің маңыздылығын туралы тоқталып өтті.
Бүкіләлемдік жасыл желек отырғызу күніне орайластырылған шара облысымыздың барлық аудандарында да жоғары деңгейде ұйымдастырылды.