«Құрмет биігіндегі құтқарушылар…»

Қазақстандықтардың рухани құндылығын жаңғыртуға бағытталған, «Рухани жаңғыру» бағдарламасы шеңберінде және «Құтқарушылар күні» азаматтық қорғау органдарының кәсіби мерекесін атап өту қарсаңында Шымкент қаласы Төтенше жағдайлар департаментінде «Құрмет биігінде құтқарушылар» тақырыбында қалалық поэзиялық конкурсы өткізілді. Конкурсқа департаменттің 5 өрт сөндіруші мен құтқарушы қатысты, деп Шымкент қаласы ТЖД ішкі және сыртқы коммуникациялар тобы хабарлайды.

Құтқарушы мамандығының ерлігі мен қаһармандығын көрсету, өрт сөндірушілер мен құтқарушылардың еңбегі мен шығармашылығын поэзиялық сөзбен жеткізу, жаңа есімдерді шығару, олардың шығармашылығын қолдау, азаматтық қорғау органдары қызметкерлерінің имиджін көтеру – конкурстың басты мақсаты болды.

Қатысушылар конкурстың ережесіне сәйкес көлемі 3 парақтан аспайтын өлеңді өздері шығарып, өрт сөндіруші-құтқарушылардың ерлігі мен қайсарлығын, олардың қызметінің ерекшеліктерін көрсетуі тиіс еді. Ұсынған шығармалардың барлығы қазылар алқасының көңілінен шығып, жоғары бағаға ие болды. Ал, азаматтық қорғау сержанты Асхат Ксетаев кезекші аусымды өрт сөндіруге шыққан еді. Негізгі міндетін атқарып, конкурсқа асыққан өрт сөндіруші қазылар алқасының ерекше ықыласына ие болды.

Байқаудың қорытындысы бойынша поэзиялық конкурстың бас жүлдесі кезекші-диспетчерлік қызметінің жедел кезекшісі азаматтық қорғау аға лейтенанты Нұржан Есалиев бас жүлдеге ие болса, №1 мамандандырылған өрт сөндіру бөлімінің аға жүргізушісі Жарқынбек Лесбек 1-орынды иеленді. Жедел-құтқару жасағы бастығының орынбасары Рауан Дүйсенбеков 2-орынды алып, №2 өрт сөндіру бөлімінің өрт сөндірушісі М.Сапарбай және мамандандырылған жасақтың аға өрт сөндірушісі азаматтық қорғау сержанты А.Ксентаев 3-орынды бөлісті.