Түркістан облысының әкімі Шардарадағы №4 олимпиадалық спорт мектебінің жұмысымен танысты

Шардара ауданына іссапармен келген Түркістан облысы Әкімі Шөкеев Өмірзақ Естайұлы «Шардара Армспорт» спорт клубына келіп танысып, бірқатар Әлем чемпиондары аллеясы, Таэквондо залы, Карате залы, Жеңіл атлетика залдарын ашып беріп, құттықтады.

Сонымен қатар Түркістан облыстық №4 олимпиада резервінің мамандандырылған балалар-жасөспірімдер спорт мектебі Директоры , «Шардара Армспорт» спорт клубының негізін қалаған Қарсыбаев Арман Романұлына спорттың дамуына сүбелі үлес қосып жүргені үшін, алғыс білдіріп, одан әрі қарай да чемпиондар шығара беруіне сеніммен қарайтынын айтып, тілек білдірді.

Сөз соңында арнайы «Шардара Армспорт» спорт клубына жас спортшыларды жарыстарға тасымалдайтын Микроавтобус тарту етіп , көлік кілтін Қол күресінен Әлем чемпионы Шамиев Мағжан Қазбекұлына ұсынды.

Өмірзақ Естайұлына алғысын жаудырған Мағжан Қазбекұлы, Әлем чемпиондары аллеясының бүгін ғана ашылғанын айтып, аллеяға ең алғашқы ағашты отырғызып, чемпиондар көшін бастап беруін өтінді. Өтінішін оң қабыл алған Түркістан облысы әкімі Өмірзақ Естайұлы Әлем чемпиондары аллеясына ең алғашқы ағашты отырғызды.

«Шардара Армспорт» спорт клубының барлық ғимараттарын аралап шыққан Облыс әкімі Шардаралық чемпиондармен естелікке суретке түсіп , спортшыларға алдағы Румынияда өтетін Әлем чемпионатында жеңіс тұғырынан көрінулерін тіледі!

Түркістан облысының Қоғамдық даму басқармасы