Ғасыр жасаған жетісайлық қарияға ауылдастары сый-құрмет көрсетті

Ғасыр жасаған жетісайлық қарияға ауылдастары сый-құрмет көрсетті. Бұл туралы Жетісай ауданы әкімінің баспасөз қызметі хабарлады. Жетісай ауданы Жаңа ауыл әкімшілігі Қарой ауылының тұрғыны Налше Бекшораев 1921 жылы Жиззақ облысы Фариш ауданында дүниеге келген. Ата-анасынан жастай жетім қалған бозбала Налше еңбекке ерте араласты. Балалық шағы ашаршылық нәубетіне тура келгендіктен, мектепте оқып сауат ашуға мүмкіндгі болмаған. Өз заманының қиыншылықтарына байланысты күн-түн демей барлық жұмыс түрлерін істеуге мәжбүр болған.

ҰОС жылдарында тылда еңбек еткен, аудан орталығынан қашық құмды ауылдарда түйекеш болып еңбек етеді. Соғыс жылдарынан кейін колхоз және совхоздарда диханшылықпен, мал және су шаруашылығымен айналысқан.
Ауыл тұрғындары арасында еңбекқор, әрі қарапайым шаруа адам ретінде зор абыройға ие болды. Жұбайы Бекшораева Өлмес Серікбайқызы екеуі отандасқан
63 жыл ғұмырларында 8 қыз, 3 ұл тәрбиелеп, олардан 43 немере,
42 шөбере сүйіп отыр. 

Аталған мерей тойға арнайы келген Жаңа ауыл ауылдық округінің әкімі Нұрлыбек Бақтияров қарияның кеудесіне «Саналы ұрпаққа өнегелі тәрбие беру жолында еткен еңбегі үшін» медалін тақты. 

Ауылдас ағайындары қарияға ат және автокөлік мінгізіп, иығына шапан шауып, сый-құрметтерін көрсетті.
Нәубет жылдарындағы қиын тағдырын көзіне жас алып еске алған қария, қазіргі жастарды барды қадірлеуге, аянбай еңбек етуге шақырып, ақ батасын берді.