Түркістан қаласында халық қалаулыларының қатысуымен өтіп жатқан сессия барысында «2019-2021 жылдарға арналған облыстық бюджет туралы» 2018 жылғы 12 желтоқсандағы №33/347-VІ Түркістан облыстық мәслихатының шешіміне өзгерістер енгізу туралы» облыстық мәслихаты шешімінің жобасы таныстырылды. Алдын ала тұрақты комиссия отырыстарында талқыланғандықтан, депутаттар күн тәртібіндегі бұл мәселені бірауыздан қолдады.
«2019-2021 жылдарға арналған облыстық бюджет туралы» 2018 жылғы 12 желтоқсандағы №33/347-VІ Түркістан облыстық мәслихатының шешіміне өзгерістер енгізу туралы» облыстық мәслихат шешімінің жобасы «Қазақстан Республикасы Бюджет Кодексінің 106, 111 баптарына сәйкес қарауға ұсынылып отыр.
ШЫҒЫСТАР
Жобада бюджеттің түзетілген көрсеткіштері көрсетілген (облыс мәслихатының 2019 жылғы 5 сәуірдегі №37/379-VI шешімімен бекітілген Түркістан облысының басқару схемасына сәйкес, атауы өзгерген басқармалардың қаражатын ББС сәкестендіру бойынша облыстық бюджетке облыс әкімдігінің ағымдағы жылғы 24 маусымдағы №141 қаулысымен түзету енгізілген, тізім қосымша тіркеледі).
«Жалпы сипаттағы мемлекеттік қызметтер көрсету» функционалдық тобы бойынша шығындар 3 000 000 мың теңгеге ұлғаюда.
Облыс әкімі аппаратының «Жергілікті бюджеттерден берілетін ағымдағы нысаналы трансферттер» бағдарламасы бойынша техногендік сипаттағы төтенше жағдайға байланысты Арыс қаласының бюджетіне 3 000 000 мың теңге бағытталуда, оның ішінде зардап шеккен тұрғындарға өтемақы төлеуге 1 000 000 мың теңге, нысандарды жөндеу және қалпына келтіру жұмыстарына 2 000 000 мың теңге.
«Білім беру» функционалдық тобы бойынша шығындар 707 995 мың теңгеге кемуде.
«Аудандардың (облыстық маңызы бар қалалардың) бюджеттеріне бастауыш, негізгі орта және жалпы орта білім беру объектілерін салуға және реконструкциялауға берілетін нысаналы даму трансферттерi» бағдарламасы бойынша 707 995 мың теңге қысқартылуда.
«Денсаулық сақтау» функционалдық тобы бойынша шығындар 200 000 мың теңгеге кемуде.
«Денсаулық сақтау объектілерін салу және реконструкциялау» бағдарламасы бойынша 200 000 мың теңге қысқартылуда.
«Тұрғын үй-коммуналдық шаруашылық» функционалдық тобы бойынша шығындар 544 087 мың теңгеге ұлғаюда.
«Жергілікті бюджеттерден берілетін ағымдағы нысаналы трансферттер» бағдарламасы бойынша Түркістан қаласының бюджетіне саябақтар, скверлер және көшелерді көгалдандыруға қосымша 534 087 мың теңге бағытталуда.
«Аудандардың (облыстық маңызы бар қалалардың) бюджеттеріне сумен жабдықтау және су бұру жүйелерін дамытуға берілетін нысаналы даму трансферттері» бағдарламасы бойынша Арыс қаласының бюджетіне 10 000 мың теңге қарастырылуда.
