Қызылорда қаласының әкімі Нұрлыбек Нәлібаев 2018 жылды қорытыныдалаған есептік кездесуінде қаланың әлеуметтік-экономикалық дамуы туралы бірқатар жоспарларды атап берді.
Мәселен, Қызылорда қаласының бюджеті 2018 жылдың басында 42,1 млрд теңге көлемінде бекітіліп, жыл қорытындысымен 51 млрд. теңгеге жеткен. Бұл бюджет көрсеткішінің жыл басынан бері 21 пайызға ұлғайғынын көрсетеді. Қаржыландырудың 41 пайызы – білім, 18 пайызы – құрылыс, 14 пайызы – коммуналдық шаруашылыққа бағытталған. Өткен жылы Қызылордада 25936 шағын кәсіпкерлік субъектілері тіркелген.
Облыста нақты жұмыс істеп тұрған кәсіпкерлік субъектілерінің 48, 8 пайызы Қызылорда қаласының үлесінде. Жыл көлемінде қала кәсіпкерлерінің өз қаражаты есебінен жалпы құны 8 млрд. 241 млн. теңгені құрайды. 73 кәсіпкерлік нысан іске қосылып, жаңадан 1726 жұмыс орындары ашылған.
Қаладағы 390 шаруа қожалықтарының бірігуімен 27 ауыл шаруашылығы өндіріс кооперативтері құрылды. Ауыл шаруашылығы дақылдарының егіс көлемін әртараптандыру мақсатында 7969 гектар жерге шаруашылық дақылдары егілді.
