Бүгінде үшінші мегаполиске көрік беріп тұрған бірден бір орын ол дендрологиялық саябақ. Тарих беттерін парақтасақ, дендросаябақтың алғашқы іргетасының қалануы — 1979 жылы мемлекет және қоғам қайраткері Асанбай Асқаровтың бастамасымен қолға алынған. Тоқырау орнаған 90-шы жылдарда күтімсіз қалған саябақ жабайы тоғайға айналған-ды.
2009 жылы қайта жаңарған нысан Асқар Мырзахметовтың қолдауымен «Шымкент дендрологиялық саябағы» болып қайта құрылды. Бүгінде табиғаттың тамашасына айналған демалыс орнында жер жүзінің барлық континентінде кездесетін 500 мыңнан астам ағаш түрі бар. Оның ішінде көктерек, балқарағай, самырсын және магнолия сынды ағаш түрлерін кездестіруге болады.
Спорт — денсаулық кепілі. Әсіресе, таңғы жаттығудың адам денсаулығына тигізер пайдасы мол. Статистикалық мәліметке сүйенсек, жыл сайын дүние жүзінде 18 миллионға жуық адам жүрек ауруларының салдарынан көз жұмады екен. Ал Қазақстандағы жүрек-қан-тамырлары ауруларынан қаза болатындардың саны ТМД елдері ішінде көш бастап тұр. Әрине, мұның алдын алудың бірден бір жолы — спортпен шұғылдану.
