— Өңірге жұмыс сапарымен келген ҚР Премьер –Министрінің бірінші орынбасары Асқар Мамин Түркістан аймағын дамыту перспективалары туралы комиссияның кезекті отырысына қатысты. Облыс әкімі Жансейіт Түймебаев қалада атқарылып жатқан жұмыстарды баяндап , алдағы жоспарларымен таныстырды. Жаңадан жасалынған бас жоспарға сәйкес Түркістанның аумағы 35 мың гектарға ұлғайған және биылдың өзінде ірі жобалардың құрылысы басталды.
— Елбасының «Болашаққа бағдар: рухани жаңғыру» атты мақаласында «Туған жер» бағдарламасын қолға алуды ұсынған болатын. Отырар ауданында осы мақсатта жыл бойы ауқымды істер жүзеге асқан. Аудан әкімінің уақытша міндетін атқарушы Пердехан Жаппарқұлов 11 айда «Туған жер» жобасы негізінде атқарылған жұмыстардың есебін берді.
— Миллион халқымен республикалық маңызы бар қала статусына ие болған үшінші мегаполистің алғашқы шырша шамы жағылды. Шымкент қаласының төріндегі Әл-Фараби алаңына орнатылған биылғы шыршаның жалпы биіктігі 15 метр. Жаңа жылдың басты символы салмағы 1тоннаға жуық шыршаның шамын мегаполис мэрі Ғабидолла Әбдірахымов жақты.
— Ордабасы ауданына қарасты, Шұбарсу елді мекені тағы бір заманауи балабақшамен толықты. Бір мезетте 125 балаға саналы тәрбиемен бірге сапалы білім беретін Зура балабақшасының бүгін салтанаты ашылы рәсімі болды. Оған аудан әкімінің орынбасары Әбдіқұлов Аңсарбек қатысып, тұрғындардың қуанышымен бөлісті.
-Шымкент қаласында жедел-жәрдем қызметінің үш бірдей жаңа бекеті ашылды. Енді науқастарға жету уақыты төрт минутқа азайып, жедел қызмет көрсету сапасы жоғарылайды. Дәл осы мақсатта құрылған бекеттер халқы тығыз орналасып келе жатқан шағын аудан тұрғындарына зор көмек.
— Қазығұрт ауданында орналасқан жылдам пісірілетін кеспе шығаратын зауыт қайта іске қосылады. Аталмыш кәсіпорын ағымдағы жылдың мамыр айында өз жұмысын тоқтатқан болатын.Қараша айында өндіріс орнының бұрынғы иесі мен СиЖей Глобал корпорациясының басшысы, миллиардер Бинод Чоудхаридің арасында зауытты сатып алу туралы келісім жасалыпты. Нәтижелі келіссөзден кейін, жаңа басшы кәсіпорынды қайта жандардырмақ.
— Шымкент қаласының жастарына өз бизнесін бастауға қолдау көрсетілуде. «Нұр Отан» партиясының Шымкент қалалық филиалына қарасты Кәсіпкерлікті қолдау жөніндегі Қоғамдық Кеңес «Шымкент» Әлеуметтік кәсіпкерлік корпорациясы» бірлесіп «Бизнес-Жастар» кездесуін ұйымдастырды. Іс-шараға бүгінде бизнесі өрлеген азаматтар қатысып, өз тәжірибесімен бөлісті. Жастар жағы да кәсіпкерлікпен айналысуға қызығушылық танытып, сұрақтарына тұшымды жауап алды.
— Елбасының «Болашаққа бағдар: рухани жаңғыру» мақаласының жалғасы ретінде жарыққа шыққан, қазақ тарихна терең үңілуге беттейтін «Ұлы даланың жеті қыры» мақаласы тың серпіліс алып келді. Тарихын түгендемей болашақты болжау қиын. Сондықтан ұлт көшбасшысының кезекті маңызды мақаласы ел арасында қызу талқыланып келеді.
